Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Radio Romano

O them njerij bare love po hazardo

Publicime fredag 1 mars 2013 kl 11.29
Hazardo
5:41 min
Jekh anda gejmura so si pe apparatura

Butivar shunnel o manusz, sar varekon nirisardas o Jackpot pe lotteria, 102 miljonura koroni, vaj k evarekon anda che pajtasha nirisardas bare love po casino, ande gazeti rapportulin kanna varekon lel bare love pe grass vaj pe bile sosko kaver hazardo.

Kado naj o chacho patreto, aj kado naj absolutnie intrego patreto.

E majoriteta anda le manusz kaj kelen kadal gejmura, veston peske love. Uni zan kade dur ande kado ke hasaren sa so kerde buci te avel le, aj ande uni situacji vi peske famlijen, anda kodo ke shon o hazardo po angluno tan.

Kadal histori naj vazdine ande medi, no ferik ke chachimasa si von e improtantni, ot le manusz te acharen sar serioznoj kado nasvalipe, sar kaj le hazardzistura penne leske.

Aj te si kade ke o manusz perel ande kado chorripe, pharesi te skipij pe, ke pe sako paso kaj tenna zas biris te arakhes tan kaj shaj keles peg ras po lotto sar ando ATG, vaj pe mashinki ando resterano, e Jack Vegas, kaj o Svenska spel inkrel. Iva skirij o Svenska spel vi pe maskinski aj vi ande peski reklami ot o manusz te lel pe sama katar kado, tordzon le mashinki pe sako rogo paschi. E gazeta Metro kerdas jek artiklo pa kado kaj sikavel ke le tanna kothe kaj e majoriteta anda le manusz naj mishtimasa, kothe maj but zhene khelen pe kadal mashinki.

Maj uches pe e lista kaj von kerde publicera tordzol o kommuno Botkyrka nador anda Stockholmo, aj ame po radio romano maladzilas e romesa kaj bushol Janni aj kaj si 43 berszengo aj trajij kothe. Me maladzilem lessa vorta kanna las te kelel po Jack Vegas.

Vov phenel ke maj anglal mukhelas vov but love pe apparatura.

O Anders Stymne si jek anda le Svedoske maj bare expertura po spelberoende vaj pe adikcia po hazardo. No vov kriticnoj karing le Vegasutomatura kaj o Svenska spel inkrel.

Pennel ke si but rapportura pa kado, aj kaj sikaven ke kadal mashinki si sar jek extra skato kodole manuszenge kas naj ucho inkomstvo. Ke pe tanna kaj le manusz naj mishtimasa si kodol tanna kaj maj but le manusz khelen.

Ando Januari kado bersz sas 12,3 procenti anda le manusz kaj trajin ande botkyrka bi buciango. Ando kommuno si akana 72 kasave automatura aj te dikhesa pe kuko bersz sas ferik 52, kade ke shute inke maj but mashinki le manuszenge. No aj sako kasavi mashinka annel andre karingle 2,3 miljonura koroni sako bersz, e maj uchi siffra ande intrego them.

O Anders Stymne pennel ke feri jek solucia si, keren le illegalni, aj den le policien love te birin maj feder te kontrolulin le garudine kasave automatura.

O Johan Tisell kaj si o press sherutno anda Svenska Spel pennel ke le mashinki tordzon kothe kaj si e efterfråga, aj ame chi birisaras te pennas ke naj slobodo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".