Naj graca te has grastesko mas

Le manush maj dur khinen pahome ghata habe
4:01 min

Meziaspe ke phala khado masesko skandalo kaj sas ke grastesko mas shuven ande buth produktura ke le konsumentura lena maj cera te khinen, o Michael Ekberg si försäljningschef ande jekh habeski bolta thaj phenel ke vov chi las sama le konsumentura te khinen maj cera anda pahome habenata phala khado skandalo vi te si khade ke ande manushesko ghindo si ke grastesko mas shaj avel maj dur andre.

Chi le bare habeske butikura sar tex Coop, Ica vaj Axfood chi acharen ke o bhikinipe kherdzilas maj slabo po pahome habe, vi te kherdzilas atunchi zurales minimalnjie.

Thaj so chi zial te dhikes si chi le konsumentura alon varesosko khaver pahome habe savo naj andre mjelono mas. O Ekot thela maj panikovano vrama khana avilasas avri o skandalo pa grastesko mas phirelas thaj vorbias manushenca thaj atunchi sas lino sama jekh cino pherajipe po bhikinipe pe pahome lasagne ale vi khodo ferik thela anglune phare dzes.

Thaj phale naj khade lohko te dhikes mishto pherdal khado ke naj ke ferik jekh produkto sas cirdino phalphale thela jekh vrama ferik maj buth produktura jokhvarasa.

Khade ke akanak sa khade bhikindzol o habe sar kaj bhikindzolas angla le grastesko skandalo pe pahome habenata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".