Turciako prezidento Abdullah Gül angluno razo ando Shvedo

La turciako prezidento o Abdullah Gül resel angluno razo adzes ando Shvedo thaj pesa andas jekh deligcia 200 manushensa. O prezidento Abdullah Gül si akhardo khatar o shvedicko kraj o Carl XVI Gustav pe jekh statsbesök thela 11-13 marso. O gluvno punkto pe agenda thela khado statsbesök avela la turciako inträde ando EU, thaj vi la syriako krizo avela opre lino ande diskusia.  

O turkicko prezidento kherla vizita vi kaj jekh phurengo kher- thaj demensboende, khotar ando Rinkebyakademin thaj kaj jekh läsprojekt shavorenge.

Khadi si jekh zurales vazno vizita phenel o Tomas Gür savo si jekh znafca pe Turcia.

Khado si o angluno razo vogule kaj kasavi vizita lel than khatar o turkicko prezidento de sar vazdaspe e republika de 90 bersh khodoleske, thaj e vizita si te sikhaven phalphale e respekto phala khado ke o shvedicko Kraj thaj e krasakinja sas ande Turcia pe jekh statsbesök ando 2006 bersh.

Thaj anda khado si e vizita vazno vi pa shvedicko righ sa khade sar pa turkicko righ.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".