nationalno

Maj paro si te les ker adjes katar le kommunalno kereski firmi

Maj truno te les ker
3:32 min

Ochtovardeshta duj procenti anda le firmi save alosaren avri kera e manuchenge sile dosta surale kravo pe le manuch kaj kamen te len lengo kera. Aj kado vasdel jek but paro situatzia e manuchenge save chi naken lengo kravoria penel e Barbro Engman kaj si Hyresgästförenings ordförande.

-Le neve kravoria si dosta surale aj kerel te na avel chansa but manuchengo gruppake te len kera aj te len jek pervo vastesko kontrakto penel e Barbro Engman kaj si ordförande ando Hyresgästsföreningen.

O Ekot kerda jek rodipe karing 283 kommunalno keresko firmi kaj si len krav pe le kera save von alosaren avri.

Injaverdesh procenti anda kadala firmi dine attveto pe o enkät savo tradas avri o Ekot lenge aj anda lende si 8 anda 10 save mangen krav pe le manuch.

Kadala krav shaj avela te si tu jek butchi kaj san panglo vaj te si tu lashe referensoria katar kaver firmi kaj alosardan ker maj anglal aj o maj truno krav te nakes si te na avel tu putchinimasko anmärkningar pe varisoste aj pe uni firmi mangen te na avel tu verdiktoria katar kriminalno acctzia maj anglal.

Ando foro Falun ando Shvedo mangel e firma Kopparstaden te avel tu jek specialno butchiako putchinipe aj vi mangen referensoria katar kaver keresko firmi kaj beshlan maj anglal.

E Elke Herbst kaj si marknadschef pe o keresko firma Kopparstaden ando Falun penel ke von mangen te avel tu jek putchinipe katar chiro butchi te shaj putchines cho ker aj kudo vi del le fimake jek securita ke shaj putchinel o manuch lengo hyra.

Voj vi penel majdur ke te si ke le manuch naj le dosta lasho referensa katar kaver firmi kaj von alosarde kera maj anglal attunchi o manuch trubul te kerel sar kerel te avel le maj lashe referensoria.

Voj vi penel ke univares si truno le manuchenge kaj vuchem beshen lende aj univares von den le pe jek dujto chansa numa voj gindil ke si but importantno te keres vorta kana alosares jek ker.

Kado penel e Elke Herbst kaj si marknadschef pe o keresko firma Kopparstaden ando Falun.

Pala le Shveditsko sakonoria musaj le kommunalno keresko firmi te len jek responsibilita te shaj avel le manuchge chardako opral pa shero aj e Barbro Engman kaj si ordförande ando Hyresgästföreningen penel ke voj chi gindil ke von keren kudo pala lengo surale kravoria so len sile.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".