Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
1 av 3
Foto: Jan Collsiöö/Scanpix
2 av 3
Foto:Hans T Dahlskog/Scanpix
3 av 3
Foto: Scanpix
Nationalno

Avla serdi sar jek khamlo thaj spontano manush

Prinsessan Lilian mulas arachi 97 bershengi
5:59 min

E Prinsessa Lilian May, arakhadzilas e palune anavesa Davies o 30 agusti ando Swansea ande Bari-brittania. Voj sas jek kotor ande Svedisko maj pashe monarkia thaj jek membro anda Svedisko krajisko familia.

E Lilians dad, kaj sas jek gruvarbetare vaj koparnjiko, mukhlas peska romnja dosta sigo ando trajo thaj mukhlas peske jek nevi familia pe kaver rig, ferik ke e Prinsessako dat thaj dej dopiero mukhle pe vaj line rosvodo ando 1939 bersh.

Thela kodi vrama sas e Lilian 18 bershengi thaj khidas pe ando London kaj las buchi sar jek foto-midelka thaj sas csine rolli ande filmura. Ando september ando 1940 bersh thela dujto lumako maripe ansurisajlas voj kusa o aktoro o Ivan Craig kaj o sherutno ando foro Horsham ando Surrey. Ferik skurto vrama pala lengo abav sas bishado lako rom ande Nordafrika ando maripe.

Khere ando London kherlas buchi e Lilian te keravel radiosändare thaj radioske materialo la katanijake ande jek fabrika thaj bolnjica ketanenge kaj sas dukhade ando maripe.

E Lilian maladzilas e prinsossa o Bertil kana sas jek marin.kidipe ande Svedisko ambassado ando London, kado sas angluno razo skurto angla kodo so perdzilas 28 bershengi. Prins Bertil sas akhardo pe jek cocktailparty late ando kher thaj vramasa kerdzile von jek para, thaj kado sas garudino but vrama katar e manush.

Kana agorlisajlas o maripe ando 1945 bersh avilas o Ivan Craig khere, thaj anda kodo ke vov maladzilas jekha italiankasa ando maripe thaj khamlas pe ande late alosardas e para khetanes te len jek rosvodo pachasa thaj o Craig ashilas jek lasho pajtashi la prinsessasa intrego trajo.

O problemo sas ke o Svedisko prinso o Bertil nas leske slobodo te ansurij pe jekha ziuvlasa anda kaver them pe kodi vrama, tena avilov kade ke o kraj dinov peski permisia. Ke te kherdov vov kado hasardov perski avrva vaj ratcia kaj o svedisko trono. Thaj kado kherdas ke nas e possibiliteta te ansurin pe o prins Bertil thaj e Lilian ke hasardov pesko titlo sar prinso.

Thela but bersh sikadas e media but zutipe la parake thaj chi sikavenas lengi relacia phuterdes. E Lilian nas officialne pala e Kungliga Hovstaterna vorba. Dopiero ande 1962 bersh las e Lilian jek invitacia pe krajesko o Gustaf Adolfs 80- bershengi pachiv ando Stockholms slott. Thaj kado sas o angluno razo kaj vov dichilas officialne ande krajisko familia.

Kana o adjesutno kraj o Carl XVI Gustaf las o trono thaj ansurisajlas, las o prins Bertil permisia offiacialnie te ansurijpe la Lilianasa pala jek relacia kaj inkherdas 33 bersh. E para line shlubo ande Slottskyrkan po Drottningholm o 7 december 1976 bersh. Thaj kade phendas e para o press-konferanso

E Prinsessan Lilian butivar kherlas officialni bucha le thaj lelas than pe themeske historia. Kana mulas o prins Bertil trajijas voj majdur ande paraki villa po Djurgården, thaj lelas but anda prinsoske bucha ande sportoski- luma thaj sas sherutni pe but orhanizaciji.

Arachi o 10 mars mulas e prinsessa 97 bershengi po nasvalipe alzheimers ando pesko kher o Djurgården. Thaj e memoracia pala late ashilas sar jek manush kaj sas khamli intregone themestar. Thaj ke lako spontaniteto sas jek anda abjura kaj e krajisko familia drago sas lenge.

O skiritori Herman Lindqvist kaj sas la prinsessako Victroiako privatno sicharutno, thaj kaj zianelas la Liliana, phenel kade pa late.

- La sas jek bari signifikacia vaj betydelse la Victoriake. Ke la nas mami thaj voj sas mindik kote thaj sas jek positivno manush, phenel o Herman Lindqvist.

Thaj ame po Radio Romano pushlam e romnjatar e Zonfira kaj trajisardas ando Svedo opral le 40 bersh sar voj gindoj ke e prinsessan Lilian avla serdi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".