De sar o angluno februari chi biris o manush te khinel vareso via sms ando Svedo.
Nationalno

Buthesa maj csera sms-pochinimata de sar o nevo zakono

"Maj letko sas varekana?"
4:55 min

De sar o angluno februari chi biris o manush te khinel vareso via sms ando Svedo, thena naj registrovano. Thaj de sar kado zakono slabosajlas drasticnie e donaciji thaj le sms-biljetter. O parujipe sas shutine sar jek buchi karing tena toven vaj te legalulin kale love, ferik ke o Nicholas Rundbom, kaj si pressansvarig pe mobilitetstjänster ande Telia, phenel ke avilob vi posiibilo maj legalno te hasnis maj dur o phurano systemo.

- Teoriticnie birsardamas te inkras o systemo majdur thaj vi te inkraj te neve legalni zakonura. Vramasa avla shutnino vi kaver kravura pe mobila-pochinimata. O manush kamela te hasnij diferentni produktura thaj te ashel eksera mobila-pochinimata, kodo si o sms-tjänsten amende, thaj te avel jek seperulime buchu sar jek mobil butelari kaj kherel ke biris te pochines ande bolti kaj po internet. Kodo nas amenge akutalnie, phenel o Nicholas Rundbom.

Anglunimastar ando februari kado bersh agorisarde e telefonicni-operatorura te mukhen pherdan lenge sms-pochinimata ferik ke sikavenas karing lengo nevo pochinimasko-servico Wywallet. Kado vi znachij ke e firmi kaj varekana hasninas sms-pochinimata. Musajsas lenge te hasnin o nevo pochinimasko-servico vaj varesar kaveres le anen andre love.

Thaj de sar kado line sama but organizaciji ando them sar tex välgörenhetsorganisationer bare diferenciji ande sms-pochinimata. E Maria Björner Brauer, enhetschef po försäljning thaj marknad ando Västtrafik ando Göteborg, phenel pe dopash bikinde kichi sms-billjetura thela o februari, thaj ke but manush acharen ke maj letko sas varekana.

- Sas but reakciji te kerdzilas maj phares, ferik ke but manush acharen ke kado naj vareso kaj o Västtrafik alosarde. Ferik ke kado si jek bajo kaj musajsas te kheras te das amare kundon e possibilita te birin te traden komunalnie via sms-pochimata. Anda kodo si but manush kaj acharen kado. Thaj maj letko sas varekana, phenel e Maria Björner Brauer.

Thaj o Nicholas Rundbom ande Telia phenel ke zianel pa e kritika kaj vazdzilas karing o Wywallet thaj phenel ke choresij kaj manush acharen ke kerdzilas maj phares.

- Kado si zurales na mishto, thaj ame zianas pa kado. Thaj bare kotora anda kollektivno-trafiko alosarde te kheren peske vlasni lösningar vaj bucha, thaj ame kamlamas von te alon o Wywallet, phenel o Nicholas Rundbom ande Telia

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".