Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
nationalno

Si te mankil specialistno doktororia ando Shvedo tala le panch bersh so si te avel

Publicime tisdag 12 mars 2013 kl 10.39
Maj chira doktoria
(4:21 min)

Karing le 1.400 specialist doktororia mankin ando primärvården adjes. Kado sikavel jek rodipe so o Läkarförbundet kerda. Majbut specialistno doktoria ando primärvården sas te del jek maj lasho jutipe penel le doktoria ando spiti aj lokalno vårdcentraler.

E Lena Ansved kaj si jek doktoro pe o vårdcentralen ando Östermalm ando Stockholmo penel ke normalno avilo te si ke von sas te aven majbut spicialistno doktoria ando allmänmedecina pe differentni spiti aj vårdcentraler.

O Läkarförbundet kerdas jek rodipe karing sa le vårdcentraler ando tem aj kudo si 1.160, pashte sa le vårdcentraler avile andre atvetonza. Kado si o pervo rodipe kerdo tala jek vrama pa 15 bersh aj kudo sikavel ke mankil karing le 1.400 spicialistno doktororia.

E Marie Wedin kaj si ordförande ando Läkarförbundet penel ke le 5 bersh so si te avel si te avel pare bersha pala kudo ke vasden le bersha pe le doktoria save keren butchi aj vi purijon le manuch ando Shvedo aj vi ke vasdelpe o nasvalimata so si psichinchno aj von si tradine kaj o primärvården.

Voj penel ke si te avel jek paro butchi so si te avel todino pe o primärvåden aj kotche si kaj vuchem mankil le doktoria aj pala kudo kadala 5 bersh si te avel but maj paro penel e Marie Wedin.

O Stockholmo naj jek tan kaj si le problemi kon specialistno doktororia, numa o doktoro Lena Ansvad gindil ke e situatzia so si ando primärvård si te daravel le terne studentoria save kamen te aven spicilistno doktororia ando allmänmedicin.

Sar studento te aves doktoro von jan avri pe diffrentni vårdcentraler ando tem aj kotche si te diken le studentoria o paro situatzia savo si te avel aj kudo sikavela ke o butchiako tan si jek lochako tan numa o tan si pra stressime le doktoronge kaj keren butchi pe kadala tana pala kudo ke si pra but butchi todine pe kadala manuch kaj si pra chira.

Lena Ansvad vi penel ke o manuch manglasas te kerel butchi pa jek maj vucho kvilitetno sar si kerdo adjes.

O Landstinget sila lengo responsibilita te shaj avel jek maj lasho situatzia penel e Marie Wedin so kerel butchi pe o Läkarförbundet.

Ferdi o socialministro Göran Hägglund si o manuch kaj shaj kerel variso karing kado aj e vrama avilo te kerel kudo!

Sas pendino ke mangen te keren satsa pe o primärvården. Sas lino desitzia pe kado ando Riksdagen te avel majbut specilistno doktororia ando allmänmedicin numa inke nas kerdo variso specialno pe kado puchipe penel e Marie Wedin.

Pe skurto vrama si te avel effekto pe kado karing o vårdkvalitetno aj o butchiako situatzia pala kudo ke mankil doktoria aj pe lungo vrama si te del effekto kado pe o butchi te na avel jek vasdino sastipako situatsia ando tem so si todino pe o primärvården te lasharen.

E Marie Wedin kaj si ordförande ando Läkarförbundet penel pe agor ke le manuchgo sastipe chi avela kadja michto so shaj avel ashukerdo pala kado situatzia so si te kerdjol ando tem tala kadala panch bersh so si te avel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".