1 av 4
2 av 4
3 av 4
Foto:
4 av 4
Angelo Scola & Odilo Scherer
Internationalno

Andre phandadej e kardinalura te alon kon ashel o nevo Påve

Lungo vrama shaj lela te alon
3:32 min

O alosaripe kon avla o nevo papiezo vaj påve, vaj sar kaj bushol o konklavo kezdisajlas o 12 februari de sar o Benedictus XVI hirtelen das e notifikacia ke site mukhel pesko posto de pari kurke kodoleske.

115 kardinalura phandaven pe andre ando Sixtinska kapellet ando Vatikano te glasulin kon site ashel o sherutno pe e katolikicko khangeri thaj pe opral jek miliardo manush kaj si katolikura. Thaj o kontrasto mashkar le kardinalura mezijpe ke dosta zuraloj.

E konklavoske ritualura mezij ke si line anda paramichengi-luma. 115 maj ohure murce phandaven pe andre. Naj lenge slobodo te skirin po Twitter, Facebook vaj publicnie te sikaven vareso pa o glasulipe, zjipon chi bishaven jek notifikacia via thuveske-signalura pa jek kominko vaj skorsten po daho ando Sixtinska kapellet.

Kon ashela o nevo papiezo del jek baro effekto ande religia, politika thaj vi ando moraliteto. Thaj aknak zian po full-effekto le phandande gruppi thaj kaste ashel o makto vaj e zor.

Duj ziene duj favoritura aven opre intrego vrama, pala e mediake vorbi. E Milanosko kardinalo o Angelo Scola thaj o brasiliano katar o Sao Paulo, Odilo Scherer. Ferik ke cirka 12 anava zian ande cirkulacia kon shaj ashel sherutno le katolikongo.

O choripe ande luma, o muslimisko radikalisering, homosexualni-ansurimata thaj o fakto kaj so maj but ziene mukhen e khangeri, si ferik unji anda le problemura kaj tordzion angla o nevo påve. Thaj vi internie barij e lista.

Pedofilicni skandalura thaj kaj rachaja kherde zor thaj övergrepp dukhadas e katolikisko khangeri thaj sikavel ke officialnie majdur zial jek maripe. Thaj amerikaniska kardinalura daran ke o Vatikano chi dikhen che baroj o problemo thaj naj phuterde pe neve soluciji.

- Te phendov o nevo papiezo ke e pedofilicni skandalura si ferik la mediaki dosh phelov e amerikaniska khangera but bersh palapale andre vrama, phenel sar exemplo o rashaj o Reese ande radioski stancija NPR.

E tencia ande diferentni gindura akanak barij thaj shaj lela but vrama te alon jekhe neve papiezos.

Angla o konklavo mangle le kardinalura te dikhen o rhodipe kaj sas kherdi pa e korrupciji thaj le skandalura ando Vatikano, kaj o Benedictus XVI manglas pala kodo ke sas e Vatileaks informacia dini kaj e media thaj lesko vlasno butleri sas convictovano.

Te avla kalo thuv anda kominko znachij kodo ke site avel jek nevo alosaripe, te si o thuv parno atunchi alosarde e neve papiezos.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".