Foto: Damian Dovarganes/Scanpix.
nationalno

O nasvalimos Cancer bariol ando Shvedo aj majbut maschkar e juvlia

O nasvalimos cancer bariol ando Shvedo
3:49 min

Le manusz kaj nasvajven ando cancer kerdzon so maj but ando them. Kado skirij o cancerfonden ande pesko berszesko rapport. E Elisabeth Johansson kaj si intressepolitisk sakkunnig anda Cancerfonden, pennel ke jek gindo sostar kade but pecin o nasvalipe si ke so maj phure kerdzon le manusz.

E Elisabeth Johansson penel ke jek anda e punktoria sostar vasdelpe o cancer mashkar e manuch ando Shvedo si ke le manuch purion aj ke le bersha pe sodi le manuch trajin vasdlepe kerel te avel jek risko te len o nasvalimos cancer. Voj vi penel ke adjes sile maj lashe metodoria te araken o cencero maj fugo sar maj angla pala le lashe screenings programmoria so si adjes.

Tala le ultimo 20 bersh vasdape o nasvalimos karing le 1,7 procenti sako bersh aj de katar o bersh 2010 si o vasdinipe karing le 4 procenti sako bersh.

Majbut vasdelpe o nasvalimos karing le juvlia aj von gindin ke kado si pala kudo ke vasdelpe o malignt melanom aj kaver morchiako cancero. Maschkar e juvlia vasdape kadal formi anda o nasvalimos karing le 20 procenti maschkar le bersha 2010 aj 2011.

But anda onasvalimos cancer avel katar amaro mod asar ame trajisaras amare trajoria sar for examplo ke pias alkoholo vaj tuvjaras cigaretti vaj chi jas te trenulis vaj pala o xabe so ame xas aj o morchiako cancero avel pala kudo ke but traden le shvedanoria avrial o tem.

O Cancerfonden si but kritishno karing le bare spiti save chi keren dosta but rodipe pa o nasvalimos cancer, Maj chira pasientoria si amime andre ando differentni studia pa neve draba pa o nasvalimos aj le doktoria aj kaver manuhc kaj keren butchi ando vården naj len dosta vrama te keren rodipe.

O rodipe so kerdas o Cancerfonden sikavel ke karing le 50 aj 70 procenti anda le manuch kaj len o nasvalimos si pala kudo ke chi trajin jek dosta but sastimasko trajo. Numa vi si formi anda nasvalimos save chantchion sar for examplo cancero ando matstrupe vaj pe differentni tana ando per, aj kado si pala kudo ke tala le ultimo bersha le manuch ando tem parode lengo xabena so xan aj kudo jutil le manuchen te len maj chira anda kadala formi anda cencer penel e Elisabeth Johansson kaj si intressepolitisk sakkunnig pa o Cancerfonden so vi penel ke but importantno si te les tu sama kana tos tu ando kam te kaljovas aj vi trubul o manuch te getol te pijen cigaretti aj trbun te lempesama sar aj sodi alkoholo pijel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".