Foto: Scanpix.
nationalno

Komunura chi zutin dukhade zuvlan

Dhukade zuvlango zutipe
3:37 min

O Socialtjänstlagen pennel ke sakone komunos ando Svedo si sa kasavi responsibilita te den zutipe le zuvlange kaj nakle chorripe aj vi le chavoren kaj dikle o chorripe.

No ferik ke slabo ekonomia, aj ke naj dosta informacia, kaj pharuven personalon dosta aktivnie, aj ke o attetyd karing kado naj kade lashio ande uni komunura kerel kade ke chi len kado regulo po baro.

O Mikael Thörn kaj si projektledare anda Socialstryrelsens nationella tillsyn pe kado punkto pennel ke kado site parudzol.

O Socialstyrelsen kerdas kade ke kamen te dikhen sar e situacia mezij krujal o them. Kuko bersz dikle pherdal karing le 60 kommunon aj kodo so dinne pe dosz kadalestar si ke uni kommunura chi inkren le regulura kade sar kaj trubuj.

Jek kotor anda o rodipe site prezentulin ando april kado bersz, no ferik akana abba phenel o Mikael Thörn ke o Socialstyrelsen maj angle avla maj ostro, vaj maj skarp ande le krav karing le zuvla kaj nakle chorrimata kaj site shon pe le kommunura. Sar si adjess zan pala e responsibilita kaj si sakona komuna, aj te avla kade ke musaji lenge te zuraren kerna vi kodo.

Sar si adjess si paragrafura aj vi allmänna regulura kaj phennen sar le komunura site keren buci te zutin le zuvlan kaj nakle chorripe. O Mikael Thörn pennel ke te avilo sakofalo kade sar kaj trubuj birisardov le komunura abba adjes te den o zutipe kaj si chachimasa dinno le zuvlange kaj nakle chorripe.

Bernadita Nunez si e verksamhetsledare ande e idealno organizacia Terrafem kaj keren buci te vazden le zuvlange chachimata, aj voj pennel ke o manusz trubujas jek extra öaso te lel direkt.

Mikael Thörn chi shudel pe kathar kasavi possibilita. Te sikadzola ando rodipe ke le maj zurale regulura chi pharuvena le attetyder ande komunura, aj ke maj dur chi zana pala o Sociallagen, atunchi skirisarasa ande amaro rapporto kaj site das le regeringoske sar te kerel o manusz pe vrama maj angle pennel o Mikael Thörn. Aj sar maj chorres shaj avla kade ke pharuvena le regulura karing kado.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".