Trin terne rom anda Rumunia Viorel, Ivan aj o Tiberio
nationalno

Terne rom aven anda Rumunia te mangen aj te bashaven aj trajin chorales ando Shvedo

Terne rom kaj mangen aj bashaven
7:52 min

Tume diklan le rom kaj beshen pe differentni tana ando differentni fororia, kam dan tume gindo si kadja chores lenge so marshol ke si. Ame pe radio romano tradam ando Uppsala te las te janas lengo situatzia.

Beshlem ando matora aj tradem katar Stockholmo te arisav ando Uppsala so si karing le 60 kilometri katar o cherutno foro. Kado ariat sas jek surales chilla riat aj dosta kalo sas o cheri.

Me ashundem ke shaj arakav romen kaj beshen andi matori so jan te mangen aj te bashaven djese ando Uppsala centrum. Me varikaj chi kamavas te patchav ke kadja si ke aven de katar Rumenia vaj Bulgaria tala jiven te mangen aj naj len varikaj te beshen aj musaj si lenge te beshen aj te soven andi matori.

Pashovavas karing Uppsala aj lama te roda jek parkeringo so si akardo Katedralparkeringen, rodem aj rodem aj pe ultimo araklem o parkeringo aj so me kotche diklem chi gindivas ke si te dikav ando Shvedo. O pervo dikimos sas panch matori page aj le rati bi luftosa numa anda jek anda lende avelas musika (musik ill) aj vi diklem terne chavore so vasdenas sastria aj trenulinas, lem aj gelem andre lende te dikav te si ke von kamenas te keren mantza jek intervjuo

Kana pendem lenge kon me sim aj ke ma avav anda o Romano Radio anda Shvedo attunchi von pende ke shaj kerav lentza intervjo aj lem te kerav o intervjuo aj muro angluno puchimata sas de sodi vrama von si katka ando Shvedo o Tiberio da man o attveto

Sar davas duma le tiberiosa dikavas krujal o matora aj dikavas ke sas melali pe puv aj vi ke shaj dikesas ke von chaches beshenas and omatora pala kudo ke dikesas naj dur katar e matori dikesas ke le manuch kerde lashavno manuchski musaj aj vi ke aljaresas jek sung kaj nas pra shukar.

Pe mande sas jek baro tato rachami kerdo te shaj inkerel le bari chilla ando Shvedo aj mange sa jek chill sas kado ariat aj dikavas pe lende kaj nas le pra tule rachamia aj von beshenas aj davas man gindo ferdi che nasvalimata von shaj len so soven aj trajin andi kadala chore konditsia.

Diklem jek parni Mercedes busso aj anklisti jek rom avri aj avilo andre mande te puchel kon sim me, kana pendem leske kon sim aj puchlem lester sar vo buchol aj sodengo vo si pendas mange ke vo si bichtaochtongo aj ke vo buchol Viorel aj lape vi vo te penel so vo kerel katka.

Romale ashundan sar penda vi o Viorel aj vi o Tiberio jek chachipe so me chi gindivas ke si ando Shvedo. Rom kaj aven te mangen aj te bashaven te shaj traden love kere ando Rumonia te shaj xan lengo romnija aj glati. Kado patreto shoha chi bistrava sar terne rom anda jek tem so si ferdi 2800 kilimetri de katar o Stockholmo aven aj beshen ando konditzia melale aj leshavno pala shelengoria.

Si kado jek situatzia so trubulas te avel ando evropa 2013, kado puchipe arisel mange ando gindo kana beshlem andi matora aj tradem parpale kere kado chillalo ariat

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".