Jek nevo papiezo si vareso kaj angazulij katolikon krujal intrego luma, o Franciskus o angluno.

Franciskus I o nevo papiezo

Nevo papiezo
4:26 min

Jek nevo papiezo si vareso kaj angazulij katolikon krujal intrego luma, aj kado shaj videl jek effekto pe e sveditsko katolitsko khangeri. O Anders Borelius, kaj si biskoppo anda katolitsko khangeri ando Stockholm dikhel pozitivnie po nevo papiezo o Franciskus.

Amenca ando Studio adjess si o Lasio Jakowicz.

O biskoppo Anders Borelius pozitivnoj karing o nevo Papiezo, so pennes tu?

O Papiezo Franciskus nas jek anda le anglune kandidatura ande kado alosaripe, khade ke shaj gindoj o manusz ke kamnas niespodzanka te keren, kado so me zanav de anglara pa les si ke vov zurales konservativnoj pe le pushimata sar e familja site inkerdzol, aj safchem te inkrel kade possitivno gindo pa abrot te ertin aj chi te muken pe le rom aj romnia.

Inkrel kodo pachape sar kaj les si ke vov ciak jesuiti.

Aj soj kodo jesuit?

No o Jesuit ordern shutino sas katar o Ignatius anda Loyla ando 1500 bers, aj sile sa kodol löften sar le franciskanon pa, pachiv, chorripe vaj sar le svedura kaj pennen fattigdom, aj anda kado vi naturalnie sas te aloj o anav Franciskus…kaj si le devlesko cino chorroro anda Assisi, kaj si la italiako nationalno helgon.

No morem de arachi shunel o manusz ke sas hiri ke vov na lashe bucia kerdas kanna sas e militarno diktatura, so pennes tu pa kado?

Mmm, kodo so si pendo si ke vov boldas o dummo karing duj Jesuit rashaja kanna sas e militarno diktatura, aj kado naj chaches, so shaj pennes pa les si ke o Bergoglio vaj o Franciskus o angluno…..zutisardas bute manuszen, ke kanna sas rodine muklas le te garudzon ande leski khangeri vaj prästseminarium, aj vi das jekhe manuszes pesko anav aj identiteto te shaj nasheltar anda them.

Zukaresas ke vov avla o nevo papiezo?

Chi pennos ke vov avla, no ferik te gindoja o manusz mishto, sas ciak vov po dujto tan kanna sas o paluno alosaripe, kade ke shaj pennes ke vi zukaros aj na.

Aj so shaj pennes amenge pa Bergoglio?

No bushol Jorge Bergoglio aj perdas 76 berszengo, avel anda Argentina aj trajijas ando Bueno Aires. Pa leste vorbin kade ke vov naj komplikovano manusz, pachakoj, vov naprimier tradelas ekzeno pe le tunnelbani ande pesko foro Bueno Aires, kiravelas pesko habe, pennen ke zurales asavnoj, aj vi dragoj leske fotboll aj vi tango. So shaj avel si ke zurales radikalnoj ande politika aj shaj shol but pharipe pe le manusz kaj naj kade mishtimasa.

Po skurto shaj pennes ke vov annel zurales but po Johannes Paulus o dujto.

Vov alosardas ciak o anav Franciskus, sostar aj so znachij o anav?

O anav avel katar o sankt Franciskus anda Assisi, o shavo jeke zurales barvale biznesmanosko, kaj alosardas te trajij chorores aj kaj vazdas o Franciskusorder.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".