E terni romni Margareta anda Bulgaria beshel angla jek centrumo ando Uppsala aj mangel
nationalno

Terni romni mangel anda peski nasvali tjej kaj si kere ando Bulgaria

Terni romni kaj mangel anda peski nasvali tjej
4:38 min

Aratchi ashundan pa duj terne roma save avile anda Rumunia te mangen aj te bashaven. Adjes sas pendino ke si te lunjaras kudo temato aj si te ashunas jek terni romniako  historia sostar voj si katka ando Shvedo te mangel. E Margareta si bishtapanchengo aj avel anda Bulgaria

 

Tume ashunen jek paro situatsia so si e terni romniake Margareta anda Bulgaria. Lako terni tjejori so si ferdi ochtongo trubula jek baro operatzia pala kudo ke voj si pabardi. Numa sostar avilo e Margareta vorta ando Shvedo aj sas voj ando kaver tema te mangel

Ashundam pe sar e Margareta magelas te mashol lako futura lako glatenza pe maj angle ando Bulgaria aj ke lake si but paro k ena andektan kon lako glaten. Voj vi penel mange majdur ke von putchinde kaj jek bussako firma 120 evro te shaj aven katka.

Lako rom mekla la trine glatenza aj voj avili katka lake dejasa aj dadesa te mangen, aj von beshen ando Stockholmo pe jek campinjako tan aj von musaj te traden o djejes sako djes parpale angle ando Uppsala pala kudo ke pra but jene si ando Stockholmo kaj vuchem mangen.

Majdur avilo mange interessno sar aljarel jek terni romni te avel ando jek tem so si dur latar keral aj vi si dur katar lako glaten save si mukline pe lako pej kere ando Bulgaria.

Vi adjes ashundan tume jek historia so mange ashilo ando jilo, aj pale vasdape o puchipe andi mande te si ke kado si jek normalno situatzia ando jek modern evropa ando bersh 2013.

Ke jek terni juvli musaj te mekel peski glaten te jal krujal e evropaki tema te mangel te shaj ingerel peska tjeja ando spita ke pabuli, aj tena naj la love chi jutin la aj e ochto bershengo tjejori shaj lel bare infektzia ando stato aj te jal po meripe ferdi ke laki dej najla love te putchinel.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".