Svedosko utrikesminister o Carl Bildt (M). Foto: Scanpix.
Politika

Bildt phurisardas garudini informacia la Amerikake

O utrikesminister o Carl Bildt, phurisardas avri garudini informacia la Amerikake, informacia pa so von vorbinas kanna zanas le regeringoske förhandlingar ando 1976 bersz. Aj kado skirij e gazeta Aftonbladet, kaj araklas le garudine diplomaticni rapportura, kaj dinne avri pa Wikileaks.

Pe kodi vrama kerlas o Bildt buci sar politicno sekreterare kaj o Gösta Bohman, kaj sas o sherutno le moderatongo pe kodi vrama, aj kade las o bildt aj das e informacia pa so von vorbinas kanna sas le regeringoske förhandlingar, pe kodi vrama, kanna le borgerliga parti sas te aven o regeringo aj o statsminister tal o Thorbjörn Fälldin anda Centerpartia.

Le diplomaticnirapportura kaj das le manuszeske Ronald E Woods kaj sas kathe ando Swedo aj bishado anda Amerika. Las e informacia, aj das peski vorba ke chi avla avri kathar von linne la. E informacia sas p asar le trin parti kamen te zan ketane, aj sar le parti gindonas pa e kärnkraftfrågan.

Kanna e reporterura anda Aftonbladet kerde konfrontera le ministros o Carl Bildt kadale dokumentonca, pendas vov kade p opushipe, vaj jek politicno sekreterare shaj del kasavi informacia khavere temegne.

O Per Ahlmark kaj pe kodi vrama sas o sherutno anda Folkpartia aj kaj vi peshelas pe le kidimata kaj inkrenas kadal tematura, pennel ke sa so vorbinas kothe sas garudino, na ferik kavere temenge, feri vi kavere partienge, te avilo kade ke zanglemas so o Bildt kerel pe kodi vrama, avilemas zurales holarniko, pennel o Per Ahlmark la gazetake Aftonbladet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".