Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Chi avla strajko

Shaj te perel strajko
3:31 min

Chi avla jekh strajko marcine, phenel TT.
E medlarna e duj righa lel jekh unicno drom thaj shuden opre zorasa o konflikto pe maj lungo vrama maj angle.

e themeski organizatcia Medlingsinstitutet las e decizia te del maj but vrama ande kadi buci zhi pun e buciara shaj te djan ando strajko.

Kado shaj te djal maj opre pe 14 djes.

Torbjörn Hagelin so si negociatsako sherutno po byggnads phenel ke von dino jekh negativno atveto khaj e firmi ke chi avile lende lashie konkretne propozalura pe sherutnipe po entrepenora, buciako miljö thaj pa buciake vrami.

Byggnads dine aba notifikatcia ando shion februari ke shaja te avel jekh strajko. Von phende ke shaja te avel jekh strajko te na avla gata sar te dikhel pe o sherutnipe pe e entrepenorura. Kodol si te inkren o responsebilita pe sa e telune entrepenorura so keren buci pe kodol bucia.

Von mangle vi maj lashie buciake konditci penge buciarenge.

Pa e firmengi righ khatar e Sveriges Byggindustrier dikhen von kaver jakhenca, von si akanak holjake ke jekh strajko kostulij lenge karring 200 miljonura koroni ande jekh djes, phenel o Mats Åkerlind khaj si negosiatciako sherutno po Sveriges Byggindustrier.

Byggnads phenel ke e buci djal pa 3000 buciara pe 160 buciake thana thaj e buciake firmi phenen ke si 6000 buciara pe 200 buciake thana.

Torbjörn Hagelin anda Byggnads phenel ke trobuj te dikhel pe, pe firmi thaj lenge bucia ke adjes si but firmi so naj seriozni thaj kado rumuj but e manushenge.

But manush ghindon ke avla strajko marcine ke adjes tetehara nas kanchi konkretno thaj e duj righa sas dur jekh kaverestar ande e negosiatcia.
Phenel o Mats Åkerlind anda Sveriges Byggindustrier.

Kado konflikto mashkar kadi buciaki unia thaj e firmi shaj te sikaven so shaja te avel vi maj angle mashkar e kaver buciake uni thaj e kaver firmi.

Ke ande kadal kurke trobun vi e kaver buciake uni thaj firmi te beshen te skrin telal e buciake kondiciake kontraktura pe e bersh so aven maj angle.
Thaj kado so sikadjiol pe kate shaja vi te sikadjiol pe kaver thana phenel o Claes Stråth anda Medlingsinstitutet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".