Foto: Irina Makridova

Klaragården

Klaragården
6:11 min

But anda e juvlia so aven amende si juvlia save ame vuchem si ame kontakto lentza numa vi dikas neve juvlia save aven amende sako kurko te len jutipe amendar aj trubun le variso extra jutipa penel e Anna Johansson so si o manuch kaj inkrel o Klaragården.

So si le juvlia andektan si ke von si utsatta te shaj kerdjol lentza bare problemi numa vi si e djela ke trubun le jutipe ando normalno djesutno djeli penel e Anna Johansson

Te xan luncho vaj te pien jek kaffa, te xalavenpe, te len uche gada, te len kontakto doktorontza vaj dentistonza aj maj dur. Ame vi si ame socionomer aj vi manuch kaj si le edukatzia te diken so gelo le juvlinge banges ando trajo aj savo jutipe len trubun pe maj angle te shaj vortol lengo trajo.

Te si ke le juvlia si le diagnosoria pe varisoste attunchi musaj o manuch te keren jek specialno plano lengo ando jutipe katar o Klaragården penel e Anna Johansson

Kam si attunchi ke trubun te len jutipe te len kontakto jek psykologosa vaj te jutis ame len te araken jek doktoro so shaj jutil medecinosa aj maj dur. Amare ombud keren butchi e juvliantza individualno te shaj jutin le len.

Le problemi save si ka le juvlia si diffrentni, uni anda lende kam sas ando jek relatzia kaj sas mardi aj kaver kam sas prostutivano aj vi si e djela ke but anda lende si le jek problemo drabentza sar for examplo heroina, amfetamina vaj tabletti penel e Anna Johansson so vi penel ke attunchi musaj ame te das le jutipe ando kudola problemi.

Numa si vi kaver problemi le juvliange sar for examplo e Ulla kaj si eftavardeshtaeftango aj si bi keresko pala kudo ke voj trajisarda oeska tjasa so mekla o tem aj voj nas ramome andre pe o keresko marketo sj arisli pel drom pala kudo aj voj kadja penel.

Attunchi arislem katka aj von kaj keren butchi kataka sas mantza lashe aj dine man varikaj te beshav tala jek skurto vrama aj kotche beshelm ji ka kudo ke araklem mange jek soba ando foro.

Akana e Ulla avel sako djes te jutil ando Klaragården pala missmeri le aktivitonza kudolenge kaj vuchem line o akutno jutipe.

Akana avav aj keras le juvlinatza differentni aktivitetoria sar for examplo ramosaras, jas pe museumoria, suvas le gada aj pe parastuj getol le aktivitetoria penel e Ulla.

Majdur penel e Anna Johansson so si kaj inkerel o Klaragården ke aktivitetoria si but importantno aj si jek moda kaj shaj arakenpe le juvlia andektan aj te vulaven lengo trajoski expiriansa jek kavresa. Sar for examplo o gruppa kaj ramon e juvlia kotche shaj diken ke but anda lende ramon sa kudola gindoria aj historia pa lengo trajoria.

Pe ultimo e Anna Johansson penel ke o Klaragården si jek tan kaj adjesutno bi kereski juvlia aven juvlia kaj sas bi kereske numa kana von aven lende attunchi lenpe jek butchi so kam si lungo numa lengo gindo di te perjol ke sa le juvlia shaj len jutipe aj te len kera aj butchia pe maj angle. Aj vi o maj importantno te len le juvlia jek nevo identiteto kaj von diken pa peste sar jek nevo manuch.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".