Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

"Rom si europake citizentura"

Publicime tisdag 19 mars 2013 kl 10.01
Europake citizentura
5:01 min

Ande paluno kerlas o P4 uppland thaj e gazheta Dagens nyheter jekh seria pa e manush so aven anda kaver thema ando Shvedo te mangen love.

Ande kadi seria birinas e manush te shunen thaj te ginaven ke kadal manush trajin phares thaj ke uni anda kadal trajin vi ande penge vurdona.

Kadal seri vazde reaktci thaj o P4 Uppland vorbisardas khaj e EU-kommissionerka Cecilia Malmström te pushen latar sar o EU dikhel pe kadal problemura so si ande Europa e romenca ke von mukhen penge thema thaj roden pengi baxt ande kaver thema.

EU-kommissionerka Cecilia Malmström phenel ke von djanen ke e romenge si phares ande Europa ke e rom si zurales diskriminovane ande intrego europa thaj ke e rom nakhen maj phares kana si jekh ekonomicno kriza.

P4 Uppland kerde jekh bari seria pa e manush so mangen love anda kaver thema ande paluno kurko.

Ande kadi seria sikadjilas pe ke but anda kadal manush sas rom.

line te pushen pushimata sostar kade si ke e rom aven anda rumunia thaj Bulgaria thaj mangen love krujal thaj aven vi ando Shvedo te mangen love.

EU-kommissionerka Cecilia Malmström phenel ke o EU mangel jekh buciako plano khatar sa e thema te dikhel pe sar e buci djal thaj akanak ando april shion avla e angluni data khaj e thema vorbina thaj sikavna sar von keren buci e romenca ande penge thema.

Bucia, khera, sastipe thaj skola si e maj bare punktura so si te aven dikle ande kado dikhipe so e 27 thema sikavna penge planura pa e rom ando Bryssel.

Cecilia Malmström phenel ke voj djanel ke si phares e romenge numa kamel te vazdel opre jekh projekta so si ando Kosovo khaj e skola del e chavoren papuci, habe tetehara thaj vorbij e dejanca kana e chavora chi djan ande skola thaj pasha kado kamel kadi projekta te zhutij vi e dejange.
Projekti pe rom si krujal ande intrego Europa numa e diskriminatcia diciol vi kade.

Kaski si e responsebilita pe kadal bucia? Sako themeski vaj si e maj bari responsebilita pe sako them?

E responsebilita si sako themesko numa vi e Eu:osko ke e e rom si Europake citizentura.

Numa e Cecilia Malmström kamel vi kodo te phenel ke o EU zumavel te malavel e bari diskriminatcia pe e rom. Ke o EU rodel chachimata thaj antidiskriminovane zakonura so si te zhutin e romen khatar e thema kana von kamen te dikhen lenge buciake planura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".