Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Shavoren shuven ande phandade temlici

Terne shavoren ande phandade temlici shuven
5:26 min

So maj buth ternimata mashkar le bersh 15 zi kaj le 17 shutinej ando häkte savi znachi phandadi cela ande temlica ziopun vazden lenge krisi. Bhuten anda ternimata inkren ando häkte thaj shuven pe lende phare restriktioner thela jekh maj lungo vrama.

Khado naj acceptovano thaj zial kontra o FN:s barnkonvention khado phenen le Barnombudsmannen.

Barnombudsmannen del pherdal pesko raporto adzes kaj o regering thaj ando raporto si kravura so mangel thaj jekh anda gluvni krav si te aven neve granjici pe vrama sode shaj terne manush te aven häktade.

Pasi Winsten anda stockholmo sas 17 bershengo khana kherde les häkta ke pindzaravenas les ke sas hamime ande jekh mordbrand, vov phenel ke 10 minuti andre ande häktnings cela si maj cera sar jekh chaso tena navet maj buth.

Adzes o Pasi Winsten si 23-bershengo  thaj phenel ke zurales pharesi te phenel vorbenca sari te beshes ando häkte khana kasavo terno manush san, chi biri te phenel e känsla khana san ande isolacia ande jekh zurales cini tunjiariko cela.

O Pasi phenel ke sar 17-bershengo terno manush chi zanes kanchi pa rättssystemet thaj trobusardov khaver solutciji te aven khana terne manush pheren ando problemo.

Po Shvedo si bari kritika vi khatar Europarådets thaj FN:s tortyrkommitteér khana avel kaj frihetsberövande speciellt khana avel kaj manush save si maj cera sar 18-bershenge.

Barnomdusmannen aba de buth bersh marelpe anda khado te vazdel khado pushipe, thaj akanak kherdas ghata pesko raporto le regeringoske kaj vazdel opre sa so hibazi ando rättssytem, tex phenel ke naj dosta informacia le ternimaton pa frihetsberövning, phenel ke naj dosta zanipe kaj le arrest persunalura thaj e statestika naj mishto inkerdi pa ternimata sode ziene mashkar le 15-17-bershenge si frihetsberövade.

Lengo anketo kaj nikturi polismyndigheter sikhavel ke kasave ternimaton shutine ando aresto kharing le 3 100 razura ando bersh 2011.

Ale kaj shuven le ando häkte khadi cifra kherdzol ferik maj uchi phenel o barnombudsman Fredrik Malmberg.

Pe trivaleste maj bari e cifra thela 15 bersh vazdilas khatar le 40 ternimata zi kaj le 120 so si akanak thaj si jekh baro vazdipe, ke te dhikes po brottsstatistiken thela sa khodi perioda chi biris te achares khatar avel o vazdipe.

JO dhiklas pe khado pushipe thaj phenel ke kasave terne manush ferik ande zurales extrema situaciji shaj aven shutine ando häktet phenel o barnombudsman Fredrik Malmberg.

Ale khana dhikes mishto pherdal le häktesprotokolura kaj le ternimata sas shutine ando häkte naj virazno sar e krisi avile kaj kasavi solucia thaj ande unji fall sas navet khade ke o prokoruro mangelas le ternenge phare restriktioner sar totalnjie chi sosko manushikano kontakto tena avel le thaj tena avel lenge slobodo televizia te dhiken thaj e krisa aceptulias khadal restriktioner.

Le ternimata save sas ando häkte vorbin maj buth pa baro streso so vazdelpe pe lende thela khodol chasura ande cela bi manushikano kontakto thaj khate dhikel o Fredrik Malmberg jekh dar ando rättsystem.

Akanak khamel o BO te avel jekh granjica pe vrama sode jekh terno manush shaj avel ando aresto thaj khamel te avel sar so si ando Norvego kaj si gura 24 chasura ando Shvedo khadi granjica si shtar dzes.

Thaj maj vazno thal jekh granjica sode shaj beshen ando häkte ke adzes sar si ando Shvedo naj vrama pe khado.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".