E Sätilaskolan
nationalno

E skoli ando svedo shaj keren segregacia

Sar si akana keren le internationalni expertura varna ke shaj avna problemura te shuvna totalno valfrihet ande e sveditsko skolengo systemo. Desar sar shute e friskolereforma ande 90 bersz kerdzilas o skolsystem kaj si ando svedo o maj marknadsanpassad, maj bare konkuransura aj vi maj but love anda le skatoske love kaj zan pe skoli ande intrego luma.

O Svedo si jek them ande intrego luma kaj finansulij le friskolor aj vi mukhel te nirin love le privatni firmi kaj inkren le skoli.

O Henry Levin kaj si professoro pe utbildningsekonomi anda e högskolan Colombia University ande Amerika, del jek varning pa e segregacia kaj vazdel pe anda kodo ke le svedos si kasavo systemo.

O Henry Levin studjulisardas a skolakosystemo ando Svedo, paj ek internationalno perspektiva aj kado kerdas vov desar shute e friskolereforma ando 90 bersz, aj vov pennel ke o Svedo gelas maj dor anda intregi kaver temma kanna avel e vorba pa e friskolemarknad aj konkurancia.

So si o maj baro si ke intregi skoli ando svedo, kommunalni sar vi privatni, inkerdej bi kontrollako aj naj chi kade bare aj but regulura te dikhesa pe le kaver themma sar o Hollando vaj navet e Amerika., pennel o Henry Levin.

Andek studia kaj o Stockholms aj e Uppsalas universitet kerdas aj kaj site keren publicera ande gazeta Urban Geography, pushle 5000 sveditskone famlijendar sar von gindonas kanna alosarde skola peske ciavorenge. O rodipe sikavel ke e maskaruni klassa le manuszengi alon skolli kothe kaj naj but differentni manusz, vaj kaj aven anda kaver themma, aj kado del o resultato ke shaj kerdzol jek segregacia.

O Patrik Scheinin kaj si professoro ande pedagogia anda Helsingfors Universiteto pennel ke e skoli anda finlando den kasave lashe resultatura anda kodo ke le skoli si zurales jämlika, aj kade naj ando Svedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".