Radio Romano

Robert Brisenstam

Robert Brisenstam
6:59 min

Robert Brisenstam si akanak 28 bershengo, ekcera maj tulo thaj maj but murshako sar kana diklam les paluni data de 3 bersh kodolestar.

Atunci agorisardas vov vorta e skola pe juridika thaj vorta las romana romnia, atunci rodelas vov jekh buciako drom pala peski edukatcia.

Nas sekurno vaj alosarla e buciako drom so djala e ande chachi rig vaj ande stungo rig so djalas ande leski proffesia so vov alosardas ande skola.

Akanak kana beshasas ande kaffeteria dikhos jekhe murshes so alosardas jekh righ, jekh righ so kam naj kade pindjardi mashkar but manush numa jekh drom sar notarie ande förvaltningsrätten.

Notarie ande förvaltningsrätten si jekh administrativno buci, phenel o Robert, jekh administrativno buci numa jekh buci khaj del pe but konsutatcia khaj decizi.

Robert phenel ke kodol notarier so kerde buci jekh bersh, birin vi te len decizi kusa kaver nämnde män ande maj lokhi krisa.

Thaj kodo birija vi vov te kerel akanak ke vov kerdas kote buci jekh bersh.

Vov phenel ke shaja vov te lel decizi ande maj cine bucia, numa kodo so leske si cine bucia naj chachimasa cine bucia.

E bucia so si cine, si sar exemplo, te lel pe decizia kana cirdel pe andre manushenge tradimaske lila, pa socialoske bucia, kana si te phandavel pe manushen pala LVU, LVM vaj LPT.

Decizi kana varikon mangel te ashiol citizento ando Shvedo vaj kaver bucia si si dine opre pe appelatci.

Sa kadal bucia si cine pala e juridikake jakha ando Shvedo, jekh notarie so kerdas buci opral jekh bersh shaj te lel decizia ande kadal bucia kana lesa si nämdemän ande krisi.

Robert phenel ke kadi buci si jekh drom maj angle ande leski professia thaj ke ande kadi buci shaj vov chachimasa te kerel buci kodolesa so vov sitcilas ande skola.

Kana me shunos po Robert thaj lesko buci sar Notarie dos man ghindo pe kodo manush so beshel ande krisi thaj skrij tele sa so phenel pe ande e krisi.

Dos man ghindo ke kodo manush kam beshel thaj cirdel tele sa pe kasseta po audio.

No kade nas, sar me dos man ghindo...

O notarie chi cirdel tele e buci ande förvaltningsrätten feri shunel pe e buci thaj skrij tele, numa na sa e vorbi feri skrij o senso thaj o maj importantno ando vorbipe.

Dikhos po Robert Brisenstam thaj dos man ghindo ke kadi buci si phari, vov asajas ekcera thaj phendas ke kado naj phares... Ke vov phirdas ande skola thaj si les aba lungo experienca khatar kado.

Radio Romano maladjilas angluni data e Robert Brisenstam ando bersh 2006, atunci sas vov jekh terno shuko chavo khaj vorta das andre ande univerisiteta pe juridikaki linja.

Vov rodelas atunci jekh drom ande juridika khaj sas te del les jekh lashi proffesionalismo ando trajo.

Adjes kerel vov buci po förvaltningsrätten ando Växjö thaj loshal kadaleske numa ande leske jakha birij pe te dikhel pe ke les si maj baro cello ando trajo sar te kerel kote buci.

Kana pushlem les vaj vov si chalo kadale dromesa pala e edukacia, asalas lesko muj thaj phendas ke o drom chi gelas ande jekh chorro drom ale inke chi djanel khaj vov jutija maj angle ke vov las sama ke kadi buci sar notarie feri puterdas leske neve vudara so vov kamla te putrel avri pala kadal bersh sar notarie ande förvaltningsrätten ando Växjö.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".