Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Sporto shudel pestar HBTQ-manushen

Publicime torsdag 21 mars 2013 kl 11.15
"Dar si, te sikaves"
4:53 min
Thor garavlas pesko identiteto ando sporto. Foto: Hugo Rennéus/P3 Nyheter

Sporto si vazno e manushenge ke kado del e manushenge sastipe, zor thaj vi socialno njeripe.

Numa o sporto naj mindik kasavo loshako uni manushenge vi te si lenge drago kado sporto.

Ungdomsstyrelsen kerdas jekh rodipe khaj kamlas pe te djanel pe sar e homo thaj bisexualne manush dikhen po sporto, kote sikadjilas pe ke sako 10 anda e hbtq-manush daran vaj acharen pe chorres kana von sportulin thaj djanen ke but manush chi kamen te acceptulin len.

Thor Asmundssson kelel fotboll, vov keldas fotboll but bersh ande pesko trajo. Vov djanelas de khatar peske terne bersh ke vov sas homosexualno.

Numa pa kado chi djanenas but djene, vov garavlas kado zurales angla savorende ande lesko sporto ke e macho kultura sas za bari thaj savori vorbina pa djuvlia thaj kasave bucia thaj kado chi birijas vov te kerel, phenel o Thor Asmundsson.

Ande jekh rodipe so Ungdomsstyrelsen kerdas line von atvetura khatar 2000 ternimata, kote phenen sako 10 so si homo vaj bisexualno ke acharde dar ande pesko sporto anda kodo ke von inkren jekh kaver sexualno trajo.

Thor Asmundsson phenel ke but manush acharen dar ke vi te si varikon puterdes homosexualno birij kodo manush te shunel but nasulimata khatar e kaver.

Vov phenel ke vi vov shundas but kana vov beshelas ande soba e kaver raklorenca so lesa khelenas fotboll thaj ke but nasulimata djal pa e homosexualne manush. Kodo si ekcera Tabu.

Thor phenel ke vov si gay, numa kodo naj vazno, kodo so si vazno si kodo ke vov kamel te kelel maj dur fotboll.

E dar mashkar e hbtq manush ando sporto, naj zurales pindjardo mashkar e manush. Chi vorbij pe but pa kado phenel e Frida Darj so si jekh anda kodol so kernas e studia.

Voj phenel ke but hbtq manush mukhen o sporto, ke chi birin te aven sar von kamen kote.

E Frida Derj phenel ke e sportove klubbura chi keren kanci karring kado problemo thaj butivar vorbij o treneri korkori nasulimata pa e homosexulane manush thaj kado kerel inke maj phares kodole hbtq- manushenge kana von sportulin.

Jekh kaver pharipe so e terne so si hbtq nakhen si kodo ke von nakhen jekh isolatcia khatar e kaver ande lengo sporto.

Sar exemplo chi den len e lopta, vaj chi vorbin lenca, vaj chi kamen te djan te toven pe kana kodo manush si ande dusha.

Maj nasul si kodole ternimatonge so si transexualne, ke vi te si kodol so chi nakhen verbalne nasulimata, chi birin te sportulin ke o sporto si ulado pala o murshipe thaj djuvlipe thaj atunci chi djanen kadal manush khaj te roden pengo sporto.

E Frida Darj phenel vi kodo ke but anda kadal ternimata mukhen o sporto za sigo vaj len participatcia ande sportovi klubbura khaj si specialne khaj e hbtq-manush.

Karin Mattsson Weijber si sherutni po Riksidrottsförbundet thaj voj phenel ke mishto si kodo ke kado avel avri. Voj phenel ke von djanenas ke sas jekh problemo thaj ke akanak trobuna te keren maj but buci kadalesa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".