Shavora so nakhen sexualni chorimata naj dhikline pherdal doktorondar

Shavora so nakhen sexualni chorimata naj dhikline pherdal doktorondar
2:59 min

Shavora save nakhen sexualni chorimata vaj shavora save mardzion ande phenge khera naj mindik ke nakhen testura kaj le doktorura vi phala kahdo ke opre dinoj kaj e policia. O konsekvenso khadalestar si ke le brott so kherdzion kharing shavora naj mindik ke zian ande krisi, ke ande kasavi situacia evedencia doktorostar savi si dokumentovano si vazno ande krisate.

Gabriel Otterman anda Svenska barnläkarföreningens arbetsgrupp phenel ke ande buth situaciji sas khade ke le shavora chaches dhukade sas zurales thaj chi atunchi nas dhikline pherdal doktorostar.

Le badanjie khatar le doktorura si vazni ande khadal situaciji kaj shavora nakhen maripe vaj sexualni chorimata.

Khana shavora naj bhadalime doktorostar atunchi naj evedencia thaj khado kherel ke le shavora hasaren phengo chachipe ande krisi thaj kherel ke chi birin te aven bronjime khatar neve situaciji.

Cifri anda Brottsförebyggande rådet, Brå sikhaven ke thela phaluno bersh sas opral le 14 000 opredinimata kaj e policia pa sexualni chorimata kharing shavora, zor kharing shavora thaj maripe sa kharing shavora save inke chi pherdzile 15-bershenge.

Thaj cifri anda Rättsmedicinalverket sikhavel ke sa khodo bersh sas kherdine ferik 430 rättmedicinska bhadanji pe shavora, thaj vi khadal bhadanji si doktorondar kaj den le advukatura vaj le prokororura.

Statestika naj dhokladno anda khado ke vi doktorura pe vårdcentraler vaj bolnjici  skirin avri kasave intyg khana bhadalin shavoren save nakline kasave phare situaciji thaj khadi statestika naj khetani shutini.

Jedino statestika savi birin te dhiken pherdal si anda jekh rodipe so kherdasas o statliga Barnhusutredningen ando 2010 bersh ande khado rodipe dhiklinesas pherdal 1 000 förundersökningar pe brott kharing shavora.

Thaj khate sikhadazdilas ke ferik 13 procenti anda shavora so nakline maripe vaj sexualni chore buchia sas bhadalime doktorostar.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".