Tv-seriji popularni mashkar romane ternjimata
Netflix, SVT-play, watch-series, thaj Sidereel si ferik unji internetoske patra kaj kerzion so maj popularni mashkar romane ternjimata.
Ferik ke o populariteto kadale internet-rigango naj ande gejmura vaj filmura, ferik anda televizicni seriji. Krujal shunas sar le ternjimata vorbin pa diferentni seazonura thaj epesodi, kon kherdas so, thaj kon kamlaspe ande kaste.
Ame po Radio Romano gelam kaj e terni romnji e Metassa thaj kaj laki maj terni pej e Laura ando Stockholm, te shunas sostar lenge kade intjeresni kadal seriji?
E 17 bershengi Laura, gindoj ke shaj aven kaver faktorura sostar e terne rom line te dikhen kichi seriji, voj phenel ke maj butij sar ferik e seria, te o manush arakhel varesoski idendifikacia ande rolli.
Jek pushipe kaj vazdel pe kana avel ke e ternjimata dikhen kichi but seriji, si: sosko effekto kado del. Shaj savel kade ke si kado negatvnie varesar?
