Le rom anda Velike Rit

50 miljonura le romenge hasajle

Chi resen le love kaj le rom
2:39 min

Kuko bersz dinne le peski vorba, ke intregone kheren kathe sas te aven, angar, aj vi ved, no ferik ke nas chi sosko resultato kadalestar, chi dinne kanchi pennel o Hashi Rahim.

E Europa uniona pochindas 50 miljonura euro tela shov bersz, anda differentni fonder, te lasharen le romengi situacia, aj maj but pe le rom kaj trajin pe zurales chorrora tanna ande Serbia, No ferik ke varesoski differancia chi kerde kadal love, kado pennen vi organizacji kaj len pe le manuszikane chachimatonca, aj vi le reprezentatura anda e serbitsko regeringo.

But anda le rom kaj trajin ande balkan, trajin maj dor sar citizentura ando Velki rit, ando novi sad, kothe kaj trajin maskar le råttor aj shimijakura, aj kothe kaj lenge khera de abba so tordzon.

Desar tradas o ekot krujal e Serbia aj dikle perdal maj but kasave thanna kothe kaj le rom trajin, dikle von ke le rom trajin zurales chorimasa, aj ke lengi situacia zurales pharij.

O Duszko Jovanovic kaj si anda regeringo ando vojvodinas, aj kaj inkrel e responsibilita pe le romengi integracia pe opruno serbia, kothe kaj si o Vielki rit, pennel ke le love dinne varekaj kavere tanneste, aj na kaj le rom.

Le love kaj o EU bishadas chi hasnisarde le kade sar kaj sas o gindo, aj kaj kadal love dinne kado feri o del zanel pennel o Duszko Jovanovic.

Jovana Vukovic si kordinator po regionalno centro pe le minoritetura ando belgrad.

Le love dinne pe administrativni projektura, voj pennel ke le love kerde kade ke si lilla, aj dokumentura, no ferik ke le rom chi dikle but kadaletstar.

Dragolub Atskovicz si o nevo sherutno pe le manuszikane aj minoritetonge chachimata anda e serbitsko regeringo, pe les si akana te shon e responsibilita kaj kadal love kaj site zan le romenge, site resen. Aj vov pennel pennel ke e serbia musaji te shol pharipe te kontrolulin sar hasnin le love, aj sar te keren te zan le romenge sar maj feder pe hasna.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".