Ingemar Persson, sherutno pe studia khatar Läkemedelsverket. Foto: Simon Andrén/Sveriges Radio.

Si konektcia mashkar Pandemrix thaj Narkolepsi

"Si konektcia"
2:46 min

Ingemar Persson so si sherutno pe kadi studia phenel ke von dikle ke si jekh konektcia mashkar e Pandemrix vaccina thaj o nasvalipe narkolepsi.

E studia sikavel ke trival barolas e chansa po Narkolepsi pala kadi vaccina.

Narkolepsi si jekh neurologicno nasvalipe so boldel e reglatcia ande godzi thaj kerel kodo ke e manush soven andre thaj hasarel e kontrolla pa peske muskuli. Si vi kodol so len zurale sojimaske attackura thaj musaj te soven.

Sas pindjardo ke sas normalne bi effektura khatar e vaccina sar sherski dukh thaj dukh ande muskuli numa e maj nasul effektura birijas te djal ande Narkolepsi.

Numa vi te si trival maj uci chansa te lel pe o nasvalipe pala e vaccina phenel o Ingmar Persson ke nas kaver drom sar kadi vaccina kana e baleski influensa das avri ande ljuma.

E studia sikavel vi kodo ke e terne so si ande bersh 21-30 bersh sas ande maj uco levelo pe duvareste te len o nasvalipe pala e vaccina.

E manush so sas opral 40 bersh nas ande riziko te len o nasvalipe khatar e vaccina.

E studia sikavel vi kodo ke o Pandemrix chi vazdelas riziko pe kaver nasvalimata sar multipel skleros, diabetes, epelipsi thaj kaver nasavlimata.

Adjes djal jekh konferencia pa e medicia Pandemrix so sas dini sar vaccina karring e baleski influensa (H1N1) so avilas ande ljuma ando bersh 2009.

Kote sikavel pe e studia si sas kerdi khatar Läkemedelsverket.

Ande kadi studia sas 3,3 miljonura manush dikle thaj sas vi ande komperatcia e 2,5 miljonura manushenca so alosarde te na len vaccina.

7 landsting sas andre pangle thaj kadi studia sas kerdi mashkar 1 oktober 2009 thaj 31 december 2011.

Fakta pa Pandemrix

E vaccina sas acceptovano ande Eu khatar e Europaki kommisia 29 september ando bersh 2009 thaj kado sas dino e manushenge ando Shvedo khatar 10 oktober 2009.

Zhi khaj e vrama 16 aprili 2010 sas karring 10 miljonura vaccini imoprtovano ando Shvedo thaj o Smittskyddsinstitutet phenel ke karring 5,5 vaccini sas dine khaj e manush.

Pala kadi vrama las Läkemedelsverket karring 2230 rapportura ke sas nasul effektura khatar kadi vaccina Pandemrix.

Sas pindjardo ke sas normalne bi effektura khatar e vaccina sar sherski dukh thaj dukh ande muskuli numa e maj nasul effektura birijas te djal ande Narkolepsi.

Narkolepsi si jekh neurologicno nasvalipe so boldel e reglatcia ande godzi thaj kerel kodo ke e manush soven andre thaj hasarel e kontrolla pa peske muskuli. Si vi kodol so len zurale sojimaske attackura thaj musaj te soven.

Milaje ando bersh 2010 avile ghindura ke o Pandemrix del Narkolepsia thaj ando bersh 2012 sas 257 bucia opre dine khaj läkemedelsförsäkringen.

Pala kadal bucia parudas o Socialstyrelsen peske rekomendatci thaj phenel te na del pe kadi vaccina manushenge so si tela 18 bersh.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".