Raklora khelen fotboll. Foto:Tomas Oneborg/Scanpix.

Chavoren naj love te khelen fotboll

Kuch sporto
3:11 min

Fotboll si jekh anda e ljumake maj bare sportura numa akanak chi birin but manush te kelen kado sporto ande klubbura. Fotboll kerdjiol so maj kuch sako bersh

Rafael Burjanski phenel vi kodo ke vov dikhel bute rakloren so mukhen o sporto, ke za kuch djal kado avri lenge dadenge thaj dejange.

But manush ghindon adjes ke so sporto fotboll si lezno sporto pasha e maj kuch sportura sar o hockeyo thaj e grastane sportura.

Thaj si kodole manushen chachipe, kana kerel pe jekh komperatcia kusa kadal duj sportura numa o sporto fotboll si adjes maj kuch sar maj anglal.

Fotboll si adjes jekh anda e maj lezne sportura ando Shvedo thaj kana kerdas o Riksidrottsförbundet jekh rodipe sikadjilas pe ke o fotboll kostulij karring 3700 koroni sako bersh tela jekh bersh kana ginavel pe e gada, e kosta te aven membrura e chavora, turneringura thaj sa e kaver kosti krujal o sporto.

Kadi siffra chuddisardas e Per Widen so si utvecklingschef po Svenska fotbollsförbundet.

Kado ke fotboll kerdjilas kade kuch len vi e klubbura sama.

But anda e klubbura phenen vi kodo ke von zumaven te zutin bute chavoren so si ande phare ekonomicne situatci, numa kado kerel pe maj but kodolenca so djanen te khelen mishto.

Kado si lenge phares, ale kado si o chachipe.

Kado diciol vi khaj e socialura thaj organizatci so den love e manushenge. Ke maj but manush mangen love khatar socialo po sporto thaj khatar kaver organizatci.

Majblomman so si jekh zutimaski organizatcia del karring 250 000 koroni sako bersh e shavorenge, ke von ghindon ke kado si zurales vazno ke kado zutij e chavoren zurales, phenel e Charlotte af Klerke so si insamlingsansvarig pe Majblomman.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".