1 av 3
2 av 3
Foto: Mons Brunius / Scanpix.
3 av 3
Foto: Anders Hildemar Ohlson/SR.
Nationalno

Sar si o svedisko religionsfrihet ande shkoli?

Sakones si prava kaj e religia
6:20 min

Kaj zial e granjica vaj o limito kana avel kaj o religionsfriheten vaj e prava religijno ande shkola? Thaj o pushipe si ke si manushes prava te hasnij peski religia, vaj o libiraliteto katar e religia? Kado debatoo birij dosta butivar te vazdelpe ando Svedo kana avel kaj e religijni djesa vaj högtider vaj kana agorijpe e shkola, kana e shkoli alon te agorin e shkolako bersh ande khangera sar exemplo. Ferik ke pala o svedisko zakono naj slobodo te avel religijni bucha ande kommunalni shkoli. Thaj so kerdziol kana e religia naj ande zgoda kusa e informacia kaj si pe lekciji? E intregraciako ministro Erik Ullenhag del pesko atveto.

- Intregone studenton si e ratcia pe edukacia, thaj kado znachij ke o religionsfriheten vaj e prava pe religia naj sa kodo sar ke slobodoj tena len udzalo e studera ande edukaciake-inslag. O kaver pushipe si sar te dikhas pe religia ande shkola, thaj angla mande chi trobujas te daras te avel jek diskussia krujal e religia ande shkola, anda kodo ke importatnoj ande jek moderno them ke birisaras te das amenge rada pe jek maj baro zianglipe kaj le studentura, thaj ke e religia birij te avel jek kotor anda e shkola.

Naj sa kodo e ke shkola si sekularno sar ke re religia nashtik lel than kothe, thaj ande kado unjivar shaj avel jek confusia. Naj chudno ke sikavnne vaj rektorura acharen ke naj sekurni ande kado pushipe pa religia, phenel o Erik Ullenhag.

E 17 bershengi Mraca si jek studentka ande gymnazia, kaj achardas ke birij te avel e religia vaj pachape jek sensetivno bajo ande shkola. Thaj ke lake sikavne na mindik zianenas sar te den atveto kana avel kaj e religia.

- Intregone studenton si le e prava te praktisulin pengi religia, phenel o Erik Ullenhag, ferik ke si vi o zakono po skolplikt ke musajij te zian ande shkola. Te phenasa ke intregi studentura site phiren pe jek kursi, trobuj atunchi savore ande klassa te kheren kado, bi exepciako.

- E manushes si jek absolutno prava te pachan pe savo Del kaj kamel, si e absolutno prava te zias ande jek moské, synagoga, vaj khangeri, vaj veresoski kaver religijno lokalo. Thaj e shkola vi si te kheren e possbilita pe respektulin le individongi diferencia. Ferik ke chi znachij e prava pe liberalno religia ande shkola ke dada thaj deja shaj phenen ke varekon nashtik zias kana sichon te usin vaj kana si edukacia po sex-och-samlevnad. Kadi si jek diskussia maj musaj te las, kaj zial e limita, phenel o Ullenhag

Jek kaver diskussia kaj zial ande shkoli si chi e studentura birin o te aven volni anda shkola pe lenge vlasni religijni djesa vaj högtider. Pala e shkolako zakono si kadi prava, ferik ke na intregi shkoli thaj rektorura inkren kado, phenel e Fazeela Selberg Zaib kaj si projekt- och enhetsledare ande muslimisko organizacija ZIDNI-institutet ando Stockholm.

- Me chi zianav chi intregi shkoli zianen pa kado ke slobodoj lenge te den prava te aven e studentura volni. O Skolverket phenel ke si te avel volno, ferik ke chi zianav chi intregi shkoli acharde kado. Birin te den e studentos volnosht te si sar exemplo jek hinduisk djes vaj e zidovengo pesach, phenel e Fazeela Selberg Zaib.

Thaj si vi o pushipe chi slobodoj te phiraves religijni symbolura ande shkola? O Erik Ullenhag phenel ke ja te si kade ke chi dela effekto kado pe edukacia.

- Kado si jek exemplo kaj sas confusa ando svedisko debatto sar te dikhas pe religicni symbolura. Thaj o angluno bajo si ke religijni symbolura nashtik aven thele phandade ande shkoli thaj ando officialno Svedo. Ferik te si kade ke e religijni symbolura kheren jek problemo ande edukacia, slobodij angla mande te phenel o sikvano vaj o rektoro tena phiraven kodo ande shkola. Ferik ke ando grundo nashtik avas shutine karing religijni symbolura thaj kado si pa o pravo pe edukacia, phenel o integraciako ministro o Erik Ullenhag.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".