Maj lezno te sashtiarel pe manushen
Shaj te avel jekh njeripe e firmenge te birin te sashtiaren manushen so si psyhicne nasvale ande firmi.
Jekh rapporto so Myndigheten för handikappolitisk samordning, Handisam, kerdas sikade von pe 9 exemplura pe firmi thaj organizatci khaj manush sas psyhicne nasvale.
E kosti pe psyhicne nasvalimata, sar exemplo depressi kostulijas karring 19 miljardura kooroni, phenel e Försäkringskassan.
E kosti naj mindig kodo ke o buciari skrij pe nasvalo feri shaj vi kade te avel ke e manush so si nasvale psyhicne keren maj chorres buci.
Sar exemplo sas sikado jekh mursh khaj muklas pe peska djuvliasa, vov kerdas maj chorres buci kusa 20-30 procenti effektivno ande 18 chion.
Kado kostulijas a firmake 400 000koroni, te gelov kado mursh khaj jekh doktori kostulisardov sa jado maximalno 10 000 koroni a firmake.
