Margaret Thatcher

Thatcher mulas

Baribritaniaki purani premierministerka thaj sherutni pe e konservativno partia e Margaret Thatcher mulas khatar jekh stroke. Voj sas 87 bershengi.

Margaret Thatcher sas konservativno premierministerka tela e bersh 1979-1990 thaj si feri jekh djuvli so sas premierministerka ande Baribritania.

Anda pesko inkeripe sar voj inkrelas o them phenenas lake savorri "sastruni lady" thaj ando bersh 1990 sas voj tele shudini pa pesko than kana len sas jekh konflikto ande partia.

E manush khinile pe lako auktoritarno inkeripe.

Ando Shvedo seren la but manush. Ulf Adelsohn sas sherutno pe Shvedoske Moderaterna pe laki vrama thaj les sas chansa te maladjiol lasa.

Vov phendas ke voj sas jekh zurali djuvli thaj ke savorri shunenas pe late kana voj vorbijas.

E sherutni anda Centern e Annie Lööf phendas maj anglal ke Margaret Thatcher si jekh anda lake maj dragi politicar thaj skirisardas adjes pe pesko Twitter.

"Margaret Thatcher sas jekh zurali thaj jekh kontroversionallno politicari, jekh zurali djuvli muklas amen"

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".