Mursh kamen te zhutin maj but.

Murshenge chorres si kana chi zutin dosta

Mursh khaj trajin ande relatci khaj naj jekh chacho jekhipe mashkar e djuvli thaj o mursh ande khereske bucia achiaren pe maj chorres, kado sikavel jekh studia so sas kerdo ande Umeå universitet.

E studia si kerdi pe 1000 manush so sas dikle de khatar e bersh 1981, de khatar e vrama so von sas 16 bershenge zhi adjes.

Ande kadi studia sikadjiol pe kodo ke inke naj chacho jekhipe ande e shvedicke khera thaj ke kodol so chi inkren pe jekhutne achiaren pe psyhicne maj chorres.

E djuvlia achiaren pe maj chorres khatar e extra buci thaj e mursh achiaren pe maj chorres ke von chi birin te zhutin dosta a djuvlia. Phenel e Lisa Harryson so kerdas kadi studia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".