Chi mukle te vazden e romani flagga po internationalno romano djess ando Växjö

Chi mukle e romni flagga ando Växjö

Chi mukle e romani flagga ando Växjö
3:30 min

Arachi dam tume jek rapporto p asar o växjö kerdas te vazdel le romengo djes. Aj arachi kanna sas te vazden e romani flaga angla o komunhuset, pendas o komunalråd o Bo Frank ke naj slobodo.

Amari policy karing le flagi si ke ame feri vazdas flagi kaj representulin themen. Pennel o Bo Frank

E arrangorura o Amnesty kerde kado la Carin Högstedtasa kaj si anda vänsterpartia, aj von kontaktulisarde le manuszen anda vöfab kaj si e komunoski kherengi firma, ot te shaj vazden e romani flagga o angluno razo ando växjö. Sa gata sas aj arachi karing o mizmeri, tordzonas politikura aktivistura aj vi journalistura aj zukarnas po historicno momento…….no feri ke kanchi chi kerdzilas.

Palak vrama pendo sas lenge ke o komunalråd o Bo Frank las e decizia ke naj slobodo te vazden e romani flagga.

E Carin Högstedt anda vänsterpartia pennel kade pa kadi situacia.

Le rom si jek officialno minoriteto ando Svedo. Aj angla ma absurti kaj chi vazdam lengi flaga pennel e Carin Högstedt.

Sostar o bo frank chi muklas te vazden e flagga si ke kado naj ande komunoski policy kaj si shutino kharing le flagi, aj kaj skirimej save flaggi shaj vazden.

No e dzela si ke o Växjö kommun maj anglal vazdas e pride flaggan, aj vi e mångfaldsflaggan, aj kadal naj themenge flagi.

O Bo Frank pennel ke e mångfaldflagga representulij buthe manuszen vi etniska minoritetura aj vi kaver manusz, aj anda kodo mishtoj te avel jek flagga kaj but zhene pinzaren.

Vov vi pennel ke naj kade ke o kommuno chi kamel te pandel pe le romenca, ferik ke le regulura vorta kade mezin ande adjesutni vrama.

Vov palem pennel ke kriticnoj sar kadi situacia e Carin Högstedt inkerdas. Vov pennel ke voj gelas pala e komunoske sherutne aj shutas la firma te vazden e flagga.

Aj e Carin Högstedt pennel kade pa e kritika katar o Bo Frank.

Me chi shutem opre kanikas man naj kodo möjlighet. Man das e firma o atveto ke kado birisaras te kheras. Pennel e Carin Högstedt.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".