Nationalno

Manifestacia po Sergels torg karing o missbruksvården

Adjes si te avel jek manifestacia karing jek maj lasho missbrukarvård, vaj jek maj lasho zutipe manushenge kaj si problemura adiksiasa, vaj narkotikasa. Doktorura, rhoditora thaj representantura katar diferetni organizaciji kaj si engazovani ando kado sorto zutipe vaj missbruksvård, site khiden pe po Sergels torg ando Stckholm panchzengo te len udzalo ande manifestacia.

O Bruce Clarke kaj si jek anda kodol kaj las e initiativa pe kadi manifestacia, thaj vi sas o sherutno redaktoro pe gazeta X-CONS Magazine, thaj phenel phenel amenge maj but so kote site avel adjes

- Ame kheras jekh protesto karing e zakonosko proposalo kaj akanak si dhiklo pe leste ando socialutskottet, thena avel shutino sar jek zakono vaj lag, phenel o Bruce Clarke.

Thaj vov vi phenel ke za csera sas kherdo ande propozicia thaj anda kodo trobuj te avel jek protesto.

- E komuni thaj e landsting kheren buchi khetanes ando missbruksvård, thaj principialnie shaj phenes ke ferik kado kerdzilas, thaj pe kado ame kheras protesto, phenel o Clarke.

E rubrika ande proposalo kaj sas dino kaj o regeringo po agor ando januari kado bersh, skirij pe "Lasho kvaliteto thaj jek cazdino shajipe ando missbruks- thaj beroendevården. Ferik ke o Bruce Clarke phenel ke acharel

Thaj vi phenel ke o gindo pala kadi manifestacia si te avel shundo jek glaso thaj jek attencia karing e manush kaj si le adiksia vaj missbruk, te shunen politikura thaj te len udzalo.

- E nadzeja si ke manush anda riksdagen te shunen thaj te glasusin na pe kadi propozicia, te shaj avel jek maj lasho zutipe, phenel o Bruce Clarke.

Kana avel kaj e alosarimata thaj kaj site aven ulade love po them mindik maj thelej o missbruksvården, phenel o Clarke thaj phenel ke e situacia zurales naj lashi, thaj trobuj te avel vazdino jek glaso katar le manush.

- Maj importatno si te vazdas jek opinia mashkar le manush. E sitiacia si katastrofalno, pherdo ziene meren sako djes thaj csipin pala zutipe thaj naj.

O rom o Zora kaj trajij ando Stockholm studiolij te kerdziol jek behandlingsassistent, jek assistento kaj site zutij manushen kaj si le jek adiksia. Thaj vi vov phenel ke pala kodo so studiolisardas dichol ke naj sar kaj trobuj o zutipe angla leste.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".