Erlandsson lel kritika

Landsbygdsminister Eskil Erlandsson lel kritika khatar o Skogsstyrelsen thaj khatar Naturskyddsföreningen ande Kronobergs län ke vov chi las dosta sama pala o vesh pala e konditci so si ande miljö.

E kritika djal pa kodo ke but kopacha sas tele perade khatar o stormo Gudrun thaj but anda kadal kopacha trobusardov te aven rigate shutine. Kade nas ke sa e kopacha sas shingerde thaj avri ingerde anda vesh.

Eskil Erlandsson si jekh anda e gazdi po familjegården Stackarp ande Kronobergs Län thaj kote si thana khaj si but thana so inkren naturalne barvalimata.

Pala stormo Gudrun kamlas i Erlandsson te khiddel tele sa e kopacha so sas tele perade vi te phendas o Skogstyrelsen ke trobuj te kerel pe kodi buci maj lokhes ke kote sas nyckelbiotoper.

Eskil Erlandsson phenel ke e kritika si nevi leske thaj ke vov chi djanelas ke kodo so vov kerdas sas chorres.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".