Miljöpartia aj regeringo dinne po agor

E miljöpartia aj o regeringo dinne po agor pa le chavora kaj avile ando them te roden asyl. Aj karing lengi solucia si but zutimaske organizacji possitivni. No si vi uni kriticni, ke le neve regulura chi ginadzona le maj phurenge, aj ke kado dopiera pak bersz lena te inkren.

E anki Carlsson kaj si e sherutni pe le migraciake pushimata anda Lolo trushul pennel khade:

- ame du but vrama mangas kade te avel, aj o maj bar opushipe si sostar kachik vrama site lel zipun lena te hasnin kadal regulura, aj trubujas vi te ginadzon sakoneske sode berszengo tenna avla.

Pendas e Anki Carlson anda lolo trushul.

Le neve regulura kaj o regeringo aj e miljöpartia shute si ke akana birina vi le chavora kaj avile ando them te roden asyl te vazden jek apelacia po verdikto te si kade ke chi mukhen le ando them. Kade birina maj but chavora te ashen ando them gindoj e miljöpartia aj vi o regeringo.

Vi o Flyktinggruppernas Riksråd possitivnij karing le neve regulura, no ferik ke chi von chi acharen sostar kachik vrama site lel zipun hasnina le neve regulura.

Maj dur choresi, ke e situacia le maj phure manuszenge chi avla maj maj lashi, vaj maj kinevo te ashen ando them, pennel o sherutni anda FARR e Sanna Vestin.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".