Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

CSN Studija: Ziuvla kaj studiulin maj stressovanij sar murce

Publicime fredag 12 april 2013 kl 12.17
Maj uche kravura kaj e ziuvla
(4:38 min)
1 av 3
2 av 3
Foto: Anders Wikblad/Scanpix
3 av 3

Ziuvla kaj studiulin maj choresij lenge vi fyzicnie thaj vi pyskisknie te comperulisa len murcensa, sikavel jek studia katar o CSN kaj sas dini kaj o regeringo. E studia sikavel ke maj normalnoj ke ziuvla acharen ongesto thaj ke daran kana studiulin sar le murce.

Maj but ziuvlane studentura vi dukhal le o dumo, e khor thaj le pikhe sar murcane studentura. Ohto anda desh ziuvla stressovanij thaj shov anda desh murce.

E 17- bershengi shej e Svetlana phirel o dujto bersh ande gymnazia:

e Svetlana phenel ke voj lel sama ke varesar chi dichol o stressop sa kadal mahskar le murce ande laki shkola sar mahskar le ziuvla.

Vi e Madelene Wikstén, kaj si jek rhoditorka ando CSN, phenel ke si kade ke e ziuvla si maj uche kravura pe prestacia pe pende sar le murce, vi te si kade ke generalnire e ziuvla majfeder nakhen e studiji.

- E ziuvlan si but gindura chi si kade ke kehern sode trobuj, chi mishto kheren thaj chi lengi prestacia si lashi. Thaj kado chi dikhas sa kade kana e murce phenen penge gindura ferik ke kothe si jek maj relaxovano dikhipe pe lenge studiji. E murce chi acharen sa kasavo presso kana avel kaj le studiji sar le ziuvla phenele e Madelene Wikstén.

Vi e 22-bersengi Maria phenel ke mezij lake ke e ziuvla maj stressovanij

Maj but ziuvlane studenton dukal o dumo thaj e khor sar le murcen sikavel e studija, thaj vi e 17-bershengi Svetlana lel sama kado.

Ferik vi mahskar le murce si stresso kana avel kaj e edukacia, ame po Radio Romano pushlam ame katar o 23-bershengo ekonomi-studento o Nico, sar vov acharel.

E Madelene Wikstén anda CSN, phenel ke jek atveto po pushipe sostar kade mezij ke le ziuvla si maj stressovani, shaj avel ke e axpektacia karing le ziuvla si maj uchi.

- Si diferetno zukaripe katar e ziuvla thaj le murce, si jek patreto ke terne ziuvla trobun te avel uchi prestacija. Thaj si jek mall vaj jek patreto sar site aves, thaj kado kamen te kheren le ziuvla, phenel e Madelene Wikstén.

O Erik Pedersen si vice ordförande ande Sveriges förenade studentkårer, SFS, thaj les si but proposalura so shaj avel kherdino te acharen e studentura maj csera stresso. Vov gindoj ke jek vazdini pochin pe studiji thaj maj but resursura pe studentongo-sastipe shaj avilov jek atveto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".