1 av 3
E kriminalno gruppa Black Cobra. Skärmdump: Rikard Jansson SR International
2 av 3
3 av 3
Nationalno

Nevo trajo manushenge anda kriminalni gruppi

4:22 min

O paluno bersh kezdisajlas jek specialno insatso ando foro Malmö te zutin membron ande kriminalni gruppi vaj gäng te ziantar avri anda gruppa. E kommuna, e policia, o Kriminalvården thaj o Statens institutionsstyrelse si jek kotor anda kado insatso, thaj si le o goalo te shon jek maj lashi koordinacia sar o them zutij thaj protectulij e membron kaj mukhen e kriminalni gruppi. E "Christina" si jek anda kodol kaj zutij ande kadi buchi.

- Thela jek bersh sas amende 60 ziene kaj so zutisardam le. Thaj len sas diferentni gradura ando kriminaliteto. Unji anda lende nas kriminalni, ferik sas unji darajimata. Unji anda lende si kasave kaj kamenas zutipe thaj pala kode pharude pesko gindo thaj chi kamenas zutipe, kam jek shtarto kotor anda lende. Thaj le kaveren zutisardam diferetne, thaj but ghelas mishto, thaj but manush gindosardem ke sas jek chudasho bajo, naj jek letko bajo te kezdis jek nevo trajo thaj te trajis po nevo than, ferik ke baro bajo si so e manush birin te kheren, phenel e "Christina".

Ferik sar te kherel o manush kana san membro ande jek kriminalno gruppa thaj kamel avri o zial? Sosko zutipe shaj zukares? E "Christina" phenel ke o manush trobuj te trajij jek nevo trajo, thaj ke kadal manush bolden pe kaj diferetni kotora le themeske te len zutipe.

- Te si kade ke les varekon kontakto kusa konsultationsteamet thaj si kodo manush thela jek bari hot vaj dar vaj te si te mukhel jek kriminalno gruppa, atunchi birij te avel kate pe jek kidipe mansa thaj la policiasa, thaj e policia si jek kotor anda kadi buchi o te birin te den jek lashi descipcia soski barij e dar vaj o hot.

- Kana kherde kado thaj virazno soski barij e dar atunchi las kontakto intregone departementonsa kaj trobuj, te si ke o socialtjänsten trobuj te avel andre hamime, vaj te si ke trobuj kodo manush te khidel pe. Shaj avel jek arbetsförmedling, vaj frivård, sa shaj avel jek possibiliteta. Kodo manush si akhardo pe jek baro khidipe.

- Thaj khetanes kodole manusha shas jek plano sar te mezij e futura. Thaj pala kode trobuj te avel e manushes tålamod te birin o te zukaren. Na sako fallo zial kade sigo, ferik kana si zutipe amendar thela e processa, birij o te zial, phenel e "Christina" kaj chachimasa si la kaver anav.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista