Anders Borg. Foto: Anders Wiklund/Scandpix.
Nationalno

Pessimisticni prognozi pe ekonomia katar o regeringo

Ezosko budgeto
3:43 min

Ando ezosko-budgeto vaj o vårbudgeten kaj sas prezentulime kata o finansovo ministro o Anders Borg adjes, sikadziol ke maj thele skirimej o bharipe vaj o tillväxten zi kaj e 2,2 procenti o bersh 2014 karing le varekana 3 procenti kaj o regeringo zukarde ando december. Anglunes ando 2015 bersh gindoj o regeringo ke shaj avla jek vazdipe vaj jek maj ucho tillväxt.

O kriziso ande euro-thema si majdur o faktoro pala e insecurita thaj e finasovo dar, phenlaso finsansovo ministro o Anders Borg pe adjesutno press-konferanso.

- Ame si jek serionzno situacia ando kriziso ande Europa thaj amaro gindo si keo ezo vaj o våren csirdela pe vrama. Si maj dur jek rizika pe shudra racha. Thaj majdur si jek sterilno enviromentia, phenel o Borg.

Thaj dopeiro ande 2015 bersh gindoj o regeringo ke avla jek vazdipe ande themeski ekonomia, thaj o Svedo sajek tordziol majfeder sar e kaver thema ande Europa, phenel o Anders Borg.

- Ande kadi situacia si le Svedos jek zurali pozicija, si ame zurale officialni finansura te comperulisa kavere themensa, amaro sparande, kodo so sutam pe rikh inkerdziol mishto, thaj amare kamimata naj csinej sar ande kaver thema. Thaj si ame jek ucho grado pe lungona vrame zukarimata ande phuterdo finansura, phenel o Borg.

Ferik ke o problemo kaj but manush si bi buchango vaj o arbetslösheten ashela maj dur pe opral e 8 procenti, phenel o regeringo thaj o maj baro problemo si e terne manush.

- Ame ginavas ke o procento manush bi buchango ziala opre katar e 8 procenti zi kaj 8,8 kado bersh thaj karing e 8,4. Thaj o dikhipe si ke lela vrama zi ando 2014 bersh zjipon dikhas ke kado procento lela thele te zial, phenel o Anders Borg.

Anda kado ziala majdur jek buchaki-linja kaj o regeringo shola e zor ando budgeto. Trin miliardura koroni thela 2013 zi kaj e 2014 bersh, thaj maj but kado bersh po arbetsmarknadsutbildning .

- Maj anglunes trobuj te zuraras e buchaki-linja thaj te kheras possibilitetura pe maj but bucha ande firmi thaj o dujto si te zuraras e zianglimaski-linja ande shkoli. Kado shaj avel ke vazdas e vrama pe edukacia vaj ke zuraras e sichaimasko-systemo vaj maj but resursura pe buchake-edukaciji vaj yrkesutbildning, phenel o Anders Borg

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".