Omar Mustafa
nationalno

Omar Mustafa mukhel pesko posto

O Omar Mustafa kaj so na dumut alosarde les sar ledamot le socialnidemokratonge ande lengi partistyrelse, aj kaj vi vazde opre ke vov sas o sherutno andek islamitsko förbund, mukel akana peske intregi bucia kaj sas les sar politiko ande partia. Kado pendas vov savatone kuko kurko.

E situacia nas lashi, o paluno kurko kerdov kade ke o Omar chi birisardov te kerel peski buci, pennel e Veronica Palm kaj si e sherutni anda o Stockholms arbetarkommun.

E kritika kaj shute karing o Omar Mustafa si ke vov sar sherutno ando islamitsko föreningo, akardas vi antisemiter aj vi homofober pe differentni konferansura.

Vov ekzeno pennel ke o gindo sostar vov akardas kasave manuszen si te vazden jek debato, aj ke vov kadalesa chi pinzarel pe.

O Omar Mustafa las kritika bute socialnidemokratondar aj pe rachate savatone, kerdas o Stockholms arbetarkommun lesa jek kidipe, aj pende leske ke trubujas te mukel pesko posto ande partia.

Intrego situacia brigakij angla ma le socialnidemokratonge. No ferik ke kado so o Omar kerdas sas o jek bajo kaj sas o chacho, ke leski opnia maskar le politikura kerdzilas kasavi slabo ke soha chi birisardov te inkrel peski buci pennel o Anders Selin kaj si o sherutno anda le HBT-socialdemokrater Sverige.

O Ekot zumadas te huchilen le Mustafas no feri chi gelas lenge avri kanchi, andek lil skirij vov kade po skurto: Me achardem ke la partia naj biziala ande ma anda kodo so me kerav, aj anda kodo musajas mange te mukav muri buchi lende.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".