Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Homosexuallni murce len maj csera love thaj diskriminovanij pe buchako marketo. Foto: Scanpix/Michael Reichel.
Nationalno

Homo-fobia del effekto murcen pe buchako marketo

Chi len sa kodi pochin e homosexualni murce
3:03 min

Homosexuallni murce len maj csera love thaj si maj slabi possibilita te len jek chefoski-pozicija sar homosexuallni ziuvla, kado sikavel jek nevo rhodipe katar o Linnéuniversitetet. O Mats Hammarstedt, kaj si professori ande nationalekonomi thaj jek anda skiritora pe kadi studia, phenel ke diskriminacia karing homosexualitet pe buchi kherel ke manush len maj csera love.

- E diskriminacia maj barij karin homosexuallni murce sar karing ziuvla. Si vi diskriminacia karing homosexuallni ziuvla, ferik ke naj kasavi bari. Ame dikhas ke homosexuallni ziuvla si diskriminovani kana si te len bucha, ferik ke kana avel kaj e pochin vaj o inkomst si vov pe sa kasavo levelo sar heterosexuellni ziuvla, phenel o professoro Mats Hammarstedt.

Vov khetanes kusa duj kaver rhoditora dhikle po attityd vaj po gindo karing homosexualitet ande diferentni komuni thaj pala kode comperulisarde e atvetura kusa 4 000 zienenge inkomstura thaj sexualno pozicija. O resultato sikadas ke ande komuni kaj si maj negativni karing e homosexuallni, kothe sas vi maj but homosexuallni manush bi buchango vaj zarobinas maj csera love.

E studia sikavel ke si jek virazno phanglipe mashkar homosexualitet thaj jek maj csini pochin, thaj o atveto shaj avel ke unji chefura dikhen sar lenge buchara reagulin kana avel kaj e diskriminacia, ferik sode exakto dell effekto o homosexualitet po lelevo pochinimasko pharesij te phenes, phenel o Mats Hammarstedt.

- Sode exakt del effekto pharesij, te phenes. Dikhas ke del maj baro effekto pe murce sar pe ziuvla, ale chi zial te phenes varesosko procento.

Ferik vi te si kade ke pharesij te phenes vareso pa pochinimasko-levelo sikavel e studia ke homosexualni murcen si pe 11 procento maj csini chansa te len buchi, thaj e diferencia pe kaver murce thaj ziuvla si paschi zero. Thaj extra pharesij homosexualni murcenge te len jek chefoski pozicija vaj jek buchi ande tradicionalni murcane bucha.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".