Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Romané Bučá pala pashchi jek bersh thak dopash

Nevo them pe agenda si o Finland
6:39 min
1 av 2
2 av 2

O projekto Romané Bučá si jek projekto te zutij e romen pe buchako marketo. Vov si organizulime katar o Sensus Stockholm Gotland khetanes ande buchi kusa Eskilstuna thaj Uppsala kommuner, Stockholm Skarpnäcks stadsdelsförvaltning thaj e Sundbybergs folkhögskola.

E Romané Bučá kheren buchi diferetni metodensa pe jek romani inkludacia ando them thaj ande buchako trajo. E rom kaj len udzalo ando projekto birin te len jek edukacia vaj pochin pe thana ande praktisulin.

E Romané Bučá kezdisajle po agor ando 2011 bersh, thaj kheren buchi aba de pashchi jek bersh thak dopash. Ame po Radio Romano maladzilam kusa Rosario Ali thaj e Birgitta Israelsson kaj kheren buchi kadala projektasa, te dikhas sar zial lenge thaj soj lenge planura pe maj angle.

- Amari buchi ghelas angle mishto pala kodol linji kaj sas shutine. Thaj majfeder si ke e manush kaj len udzalo len te phenen sar von kamel te avel, thaj te len maj but than phenel e Birgitta Israelsson anda Sensus.

Ferik ke so si o goalo kadale projektosko? Kaj si te resel o manush po agor kana nakhlas kadal kursursa than sas jek kotor anda Romané Bučá. O Rosario phenel amenge ke jek buchi sakoneske avilov o optimalno gindo.

- Ame kamlamas sako jek te lel jek buchi. Ferik ke zianas ke sar kaj mezij e situacia pe buchako marketo na kade letko. Ferik ke sajek si ame jek njirishigo ke o manush kidel experienciji. Ame kamas te das savoren kodo so trobuj pe jek buchako trajo, phenel o Rosario Ali.

Ferik ke chak e manush vi kade rhoden bucha, vi te si kade ke naj jek kotor anda Romané Bučá. E Birgitta Israelsson phenel e diferencia kana chi len e rom udzalo ande kado projekto.

- Te si kade ke chi ghelov o manush kaj e Romané Bučá, atunchi fajma jako rom nas but ziene skirime ando Arbetsförmedlingen. But anda lende sas ferik skirime ando socialo, vi von zutin buchansa, ferik ke o Arbetsförmedlingen si kodo instanso kaj del maj lashi chansa pe buchi. Thaj kana biris te phandes kado e projektosa si maj bari e chansa, phenel e Birgitta Israelsson.

Ferik ke e integracia trobuj te avel pa duj riga, phenel o Rosario Ali. Vov phenel ke trobuj e rom te sichon le na-romensa thaj vi e kaver ziene e romensa.

Trobuj jek integracia pa duj riga. Vi e romendar thaj vi e gazendar te birin te sichon e romengi kultura thaj tradicija, thaj pe kado trobuj but motivacia, phenel o Rosario.

Thaj vi phenel ke datavo te kerdziol trobuj jek vazdini informacia pa rom.

- Te len udzalo ande importatni dati le romenge. Te sicharen studenton ande gymnaziji pa e romengi situaciji thaj te avel phuterde forum le romenge, phenel o Rosario Ali.

O projekto Romané Bučá trade ande diferetni thema pe jek internationalo corperacia le romenge. Thaj o nevo pe agenda si akanak o Finlando.

- Samas ande Polska thaj ande Hispania thaj akanak tradas ando Finlando anda kodo ke but anda amare kale romer aven kotar, thaj vi ezera ziene traden mashkar o Finlando thaj o Svedo. Thaj atunchi trobuj ame jek buchi lensa phenel o Rosario Ali anda Sensus.

Thaj e Birgitta Israelsson phenel ke voj zukarel lashe expereenciji katar o tradipe ando Finlando. Thaj ke but informacia birina te len kotar thaj te hasnin ando Svedo

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".