1 av 3
Foto: Anna Eriksson, Scanpix
2 av 3
Foto: Anna Eriksson/Scanpix.
3 av 3
Foto: Anders Wiklund/SCANPIX
Nationalno

So maj but ziene hasaren pengi pravojazda

But ziene traden za sigo
4:43 min

So maj but ziene hasaren pengo matorako lil vaj pravojazda, thaj e maj normalni atvetura sostar si ke but ziene traden matorua kana phile alkoholo vaj ke traden za sigo, sikavel jek nevo rapporto katar o Transportstyrelsen.

Ferik ke kado baro vazipe shaj avel ke o Transportstyrelsen thela angluno dopash bersh musajij te agorin but phurane fallura, phenel e Solweig Höög-Persson, kaj si direktorka ando provojazdengo departemento ando Transportstyrelsen.

- Sas ame but fallura kaj khide pe khetanes, ferik ke vi but vazdas o procento manush kaj hasaren pesko lil. E maj normalni atvetura sostar hasaren but ziene e pravojazda si ke za sigo traden. Ferik ke vi si ame but fallura kaj manush phile alkoholo thaj sas huchilde kana trade matora, phenel e Solweig Höög-Persson.

Totalnie sas paschi 20 000 pravojazdy palpale line manushendar angluno dopash bersh, kado bersh katar o Transportstyrelsen, thaj kado si pe 8 000 fallura maj but sar sa kadi perioda o paluno bersh. Ferik ke kado sajek ferik si jek cino kotor anda le 6,2 milionura pravojazdy kaj si ando Svedo.

Opruch e kriminalitetura karing e tradimaske limitura vaj ke traden manush kane pile alkoholo, si vi kaver fallura kaj kheren ke manush hasaren peski pravojazda. But ziene traden pe lole lampasha, bi lilesko vaj ke chi ashaven kothe kaj trobuj väjningsplikt.

Thaj kana avel kaj le manush kaj si le pravojazdy anda kver thema, atunchi shaj avel ke kam chi zianen e svediska regulura kade mishto. Te trades matora pe jek lil katar kaver them avri anda EU si possibilno thela jek skuro vrama pala regulura. Thaj kado shaj vazdel e rizika ke unji ziene phagen e regulura thaj chi zianen pa kado, zjipon jek djes kana huchilen le e policia. Thaj atunchi si diferetni regulura phenel e Solveig Höög-Persson.

- Kana aven manush anda EES *, Schweiz thaj Japan, si le e possibiliteta te pharuven pengi avri-themutni pravojazda pe jek svedisko. Ferik ke kado shaj kherel o manush kana permanentnie trajin ando them. Te si o lil anda kaver them slobodoj te trades pe leste jek bersh pala kodo ke san skirime ando Svedo. Thaj pala kodo trobuj te les e pravojazda sar le kaver.

Ferik ke si vi kaver kravura le kirovcenge kaj si avrithemutni pravojazda kaj chi avel anda EU vaj EES-thema, phenel voj.

- Si te avel kodole manushen jek translacia pe pesko lil kana si po drom thaj traden, te birij e policia te ginavel so skirijpe. Thaj pala kado si o maj importantno faktoro chi o manush si skirime ando Svedo, te kames te les svedisko pravojazda phenel e Solveig Höög-Persson.

Ame po Radio Romano maladzilam e 27-bershenge Janesa anda Stockholm, kaj de jek vrama kodoleske hasardas peski pravojazda kana huchilde les e policia ando foro.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".