Gabriell Taikon sas diskriminovano anda pesko anav ande bolnjica
nationalno

Borås Akuten: "-Naj ame vrama kon tume Taikons"

7:17 min

O kaver kurko pe marci ariachake aljarda o Gabriel Taikon ke dukhalas les o jilo. Vo si jekh manush kaj vuchem si nasvalo po jilo aj anda kudo vo direkto roda jutipe pe o Borås Akut. Numa variso chi gelo vorta sar vo das andre pe o akuto aj ame rodam o Gabriel Taikon te phenel amenge so kerdjilas kotche pe tan.

Tume ashundan sar si chira maj feder kon o Gabriel Taikon numa musaj sas amenge te rodas vi e spitas te las gor sar von atcharen andi kado incidento so o Gabriel phenel amenge. Ame Vorbisardam kaj e Verksamhetscheffo pe o akuten ando Borås Sjukhus e Marie Gardtman te phenl sar von dikhel pe so sas.

- Jo vo avilo amende ando akuto pe marci ariachake aj kotche pe akuto si ame duj jene kaj len le manushen andre aj te si ke varikon avel akutno nasvalo si jekh alarmo so si dino jak aj attunchi avela majbut jene te jutin.

Me sar cheffo kherdem intervjuo duvar kadala manushenza kaj sas ando akuto kudo ariat te lav te janav so kerdjilope pe tan. Vile duj kaj kherenas butchi phenen ke von chi dikhle kanikas te perel tele aj chi kudo ke varikon phenenas lenge ke varikon sas avri tele pe puv.

Majdur musaj sas amenge te las o gor te si ke chaches si ke e chefajka Marie Gardtman manglas jertimos khatar o Gabriel Taikon aj te si kadja ke voj kudo kherdas sostar te si ke lake butcharnia phenen ke kado nas sar phenel o Gabriel Taikon.

- Jo kudo chaches si, numa bit o bit me nashtiv te avav sar jekh krisinari vaj biro te phenav so sas vaj nas pala kudo ke me chi simas pe tan kudo djes. Kado si variso so vo acharda aj kudo me lav respektosa aj importanto si ke vo achrel ke vo si dikhlino aj respektisardo mandar.

Aj ke vo janel ke me khamav te sikavav le manushenge kaj kheren butchi katka ke ame chi acceptis ke si varikon diskirime aj kudolasa me kamav te penev ke kado nashtil te kerdjol.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista