natioanlno

90 procenti anda le caseoria si todine tele khatar le upplopp angla milaj

90 procenti si todine tele
1:54 min

Pala le upplopp vaj sociala oroligheter so sas ando Stockholmo angla milaj kana sas pabarimata ando le förorter si todino tele majbut anda le anmälningar sikavel jekh dikipe katar o Ekot. Pala kharing le 400 anmälningar si todine tele kharing le 90 procenti anda lende. O Daniel Ångman kaj sas o manush kaj kherda but anda le utredningar phenel ke truno sas te kheres identifiera le manush.

But andi kadala utredningar si pares te arakes o chachimos pala kudo ke naj konik kaj dikla variso, but manush sas pe tan tala e vrama, but manush sas le garade muja, tunjariko sas aj but anda le politzia so sas pe tan musaj sas lenge te lenpe sama pendar te na dukavenpe majbino sar te diken kon sas kaj kherenas le pabarimata.

O 19 maj sas o djes kana lape le upplopp ando Husby avrial o Stockholmo. Le pabarimata aj le manush kaj shudenas bax pe le politzia pe fugo vrama sas krujal o Stockholmo aj inkerels kharing le 10 djes.

Tala kudo vrama sas kharing le 400 anmälningar dine opre khatar le differentni politziako distriktoria pa brott kaj si akardo sociala oroligheter. Majbut anda lende si adjes todine tele aj chi avela kanchi strafforia.

Jekh manush lino temnitsa pala kudo ke pabarda duj matori aj duj jene lino lovengo straffo, jekh pala kudo ke sas effektovano katar narkotika aj o kaver ke sas les tårgas.

Inke si ajukerdo uni krisa pala kudo ke but manush sas le shuria pe lende. O Daniel Ångman kaj si roditororia pe o Västerortspolisen phenel ke inke si te avel uni krisa aj kotche si le pachaimos te avel majbut verdiktoria.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".