E rom shaj beshen ando tseri ando for Oslo so nas len voja maj anglal
nationalno

E rom shaj beshen ando tseri ando foro Oslo so nas le voja maj anglal

E rom shaj beshen ando tseri ando oslo
5:08 min

Kado milaj avilas jek nevipe katar e norvegisko gazeta VG, ke le rom njirisarde karing o them ande krisi, thaj ke slobodoj leneg te trajin ande cerhi ando Sognsvann. Ferik ke o romano aktivista o Robert Kwiek Rydberg anda Norvego, phenel ke naj chaches anda soste te loshas, ke e diskriminacia karing le rom maj dur zurales barij ando them.

Kado milaj sas shutine kravura katar e Novergisko firma Public Construction, ke le rom kaj trajin ande cerhi ando foro Sognsvann, site aven avri shudine kotar, thaj ke naj lenge slobodo o te trajin kothe. E buchi ghelas maj angle ande krisi ando Oslo tingsrätt kaj line e decisija ke slobodoj le romenge te trajin temporarnie ande peske cerhi.

O Revisionsrätten ando Norvego phenen: ke le rom chi kheren varekaske problemo, thaj chi romun kanchi pe thana kaj si lenge cerhi. E Cecilie Schjatvet, representankta anda Roma, NTB, phenel, ande gazeta VG ke len sas evedenciji kaj sikhade ke le rom chi kheren probkemura, thaj ke kado si importantno lene ke shaj ashen pe peske thana.

Ferik ke o Robert Kwiek Rydberg, si maj dur skepticno, thaj phenel ke e diskriminacia karing le rom systematicnie dichol pe but thana ando Norvego.

O paluno bersh vazdas o Statsbygg kaj si e themske firma pe construcia jek stämningsansökan, vaj ke dine opre le romen kaj trajinas ande cerhi ando Sognsvann. Po than sas cirka 20 zikaj e 30 cerhi kaj e policia nashade pa than. O Robert Kwiek Rydberg phenel ke maj nasulij e situacia le romenge ando sherutno foro ando Oslo.

O Public Construction chi line inke e decisija chi avla jek apelacia ande krisi vaj na. Thaj e Hege Njaa Aschim kaj si komunikaciaki direktorka ando NRK, phenel ande gazeta VG ke o than kaj le rom inkerdzion naj kherdo te trajis kothe, ke o saniteto naj lasho.

Ferik ke o Robert Kwiek Rydberg, phenel ke e situacia le romenge kasavi chorij ke but ziene naj kaj te boldenpe opruch e vesha. Thaj phenel ke o maj baro problemo si ke naj kaj te boldenpe le rom kana trobuj zutipe.

Po agor ando september site phutrel o Rober Kwiek Rydberg kusa kaver manush o angluno romano centro ando foro Trondheim, kaj si te zutij le romen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".