Thele nachimaske draba
Nationalno

Manusha xoxadjon khana kinen sukarimaske produktura phe o interneto

Adjes so maj but zene xoxadjonpe phej abobonemangura khana khinen shukarimaske produktura phe o interneto. Phe jekh blogg arakhlas i Lindah Asplund jekh erbjudande phe savo phenelaspe ”zumav kadala thele nachimaske tabletki thaj potjin numa o frakto”.

I Asplund gindijas khe kado sas jekh laso deal, thaj kindas le tabletki khatar o företago Formezones. I Linda Asplund sas losaki sostar phe o sigo thele kamelas the nachol angla pesko bijav.

Thaj na but kili kamelas thele the zal. Voj diklas phe o Goggle phalaj tabletki thaj rakhlas numa positivna butja pralende. De na pa buteste khana le tabletki resle late cirde thele pha lako konto 1400 kroni.

Atunchi kerdas pale jekh rodipe phe o Google thaj rakhlas pherdo negativno phe sa khadala produkti, thaj bikodo the zanglo gelas andre ande jekh abonnemango le Formezonosa. Voj naj korkori phenel i  Emma Hedge juristo phe o Konsumentverket, Jekh baro antalo opredinipe sas khado bers thaj vi aver bers phe khadala prodokura. Khaj phenelpe prelende “Zumavle phej iva”.

Kado bers 700 opre dinimata savala resle andre le khetane shutimasa savo sas 262 aver bers. Kado si jekh opre gelipe phej 166 procentura.

Formezones si jekh andakodola företagura savala dinepe opre. De si jekh pharipe the reselpe phase phasa lende sostar von si jekh aver themesko företago. Le Formezonosko sherutno offico si ando Danmarko savo akanak zal perdal jekh perdal rodipe/utredning khatar o konsumentombudsmannen.

I Linda Asplund chi patjal khe lela varisoske love palpale. De kamel the patjal kodoke khe lena jekh strafo, thaj lake love the potjinape palple avla numa jekh plus.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".