Foto: Scapix. Montage: Sveriges Radio.
nationalno

Kritika kharing o Sture Bergwall vaj Thomas Quick desitsia pe o nevo verdikto

Kritika kharing o Sture Bergwall case
3:03 min

Ando bersh 2006 kherdas o Göran Lambertz kaj sas attunchi justitiekansler jekh dikipe pe sar e shveditsko krisa kherenas kharing o case kon o Thomas Quick so adjes buchol Sture Bergwall. Attunchi khana kherdas gata o dikipe chi gindilas ke sas variso banges kherdo aj chi adjes chi gindil kudo o Göran Lambertz.

-Me gindiv ke moro dikipe so me kherdem si totalno vorta aj ke attunchi chi trubulas te jas angle kon o utredning varisar. Ame kherdam attunchi jekh dosta lacho dikipe aj vo attunchi inke phenelas ke vo khadala mundaripe kherda.

Aratchi sas frikänd o Sture Bergwall khatar o ochtoto mundaripe so vo sas te kherdas numa ke vo maj anglal phenda ke vo kado mundaripe kherda aj vi sas dino verdikto ke kherda kado.

But anda le kritiker phenen ke o kris attunchi pra but gele pe o drom ke o Sture Bergwall phenelas ke vo khadala mundaripe kherdas.

O Göran Lambertz so adjes si justitieråd, biro ando maj baro kris vaj Högsta domstolen phenel ke kadala kritiker naj len vorta.

-Kado si jekh anda sa le missförstånd so si ando kado case ke pala kudo ke vo phenda ke kherda le mundaripe sas dino verdikto, nas kadja. Si dosta but punktoria ando rodipe so ferdi o manush kaj kherda le mundaripe shaj janelas. Anda kudo dine le krisa le verdiktoria maj anglal aj anda kudo trubulas te inkeren so sas dino attunchi vi adjes.

E Beatrice Ask kaj si justitieminister phendas aratchi ando Ekot ke o regeringo si te ton jekh kommitsia te diken krujal o utredning aj vi te kheren värdera o sakonosko systemo tala le krisa kharing Sture Bergwall vaj Thomas Quick.

Aj anda kudo si kaj o Göran Lambertz lashe gindoria pe maj angle ando kado.

-Man si man lashe gindoria ke si te kheren jekh dosta lasho butchi aj pala kudo vi vucharen kudola 50 jene kaj kherde butchi kon kado case tala o injaverdesto bersh so me gindiv ke inke gindin ke kerde jekh vorta korrekto butchi ji adjes phenel o Göran Lambertz

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".