Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Foto: Sandra Göök/Scanpix.
nationalno

E politzia khamen te jutin kon o psykvård numa pe kaver modoria

E politzia khamen te jutin
5:27 min

E buchi so trubulas te kheren andektan e politzia aj e vården chi jal sar trubul de but vrama. E psykiatria shaj te si ke musaj te mangen jutipe khatar e politzia te kheren transportoria lenge pa nasvale patientoria. Numa but politsiarnia dikhen pe kado ke sas hasnime lengo butchi banges pala kado de but bersh.

Sas incidentoria kaj e politzia chi dine jutipe sar for examplo te jutin ando jekh transporto. O Christer Andersson kaj si doktoro ando Bergsjön Göteborg sas ando jekh kasavendar situatzia kana vo aj jekh socialsekretarno aj duj politsiarnia sas kere kaj jekh nasvalo manush so o Christer Andersson acharda ke sas psykotisk.

- O mursh sas dosta nasvalo ke musaj sas leske medicalno jutipe vaj tvångsvård, les sas les jekh paro psykitchno diagnoso. O mursh nashtilas te lelpe sama pestar aj vi shaj kherelas bajo kavrenge. Aj vorta attunchi phenenas le politsiarnia kaj sas pe tan ke von gata sas kotche aj shaj marel o doktoro pala jekh ambulansa te ingerel le murshes phenel o Christer Andersson.

Kana marda andre kaj e ambulansa von phenenas ke chi von aven pe tan te jutin ke chi trubul jekh transporto kaj trubul o patiento te avel todino tele vaj liggandes. E politzia kaj sas pe tan kahmenas te jutin numa phende ke sas jekh nevo rekomendatsia ke te si varikon nasvalo aj trubul transporto kado musaj te avel khatar o vården. Pe agor dine pe gor sar te kheren phenel o Christer Andersson.

- Ame tradam e patienta andi mori matora me aj o sicalno sekretarno aj o mursh kaj sas nasvalo beshelas palal aj pandadam e vudar te na nashavel o mursh aj e politzia tradelas pala mende ji kaj o psykitrisko klinika phenel o Christer Andersson.

O sakono pa psykisk tvångsvård phenel ke e politzia trubul te jutil te ingeren e patienta kaj jekh klinika te si jekh doktoro pe tan kaj si len voja te den le maunshske kado diagnoso. E politzia ferdi shaj kerel jekh kontrollo te si ke sa le formularno kriteria si vorta kherdini aj nashtin von te len jekh desitsia te si ke o manush si dosta nasvalo vaj nitchi te shaj aven ingerde kaj jekh klinika.

Erik Nord kaj si operativno cherutno kaj e politzia ando Västra Götaland nashtil te del jekh kommentaro pe o incidento so sas ando Göteborgo pala kudo ke vo chi janel sa le detaljoria. Numa so vo aj but khaver politzia sikavel kahring si ke e politziako resursoria si hasnime banges.

- Kana aj kana attcharas ke ame sam hasnime sar jekh tradinesko centralo aj te si ke le instansoria so ame kheras lentza butchi andektan gindi ke ferdi shaj vasden o telefono aj ame avas te tradas ando differentni incidentoria attunchi chasajvol o dikimos pa amaro chacho butchi so sas o gindo anda gor phenel o erik Nord.

Sako bersh si kharing le 23.000 icidentoria khana e politzia musaj te jutin, aj but anda khadala incidentoria si kana le spiti vaj le socialoria naj len resursoria te kheren korkoro e transportazia. Khado naj jekh vorta drom numa pala kudo ke e politzia nashtin te kheren e dezitsia te si ke o manush si dosta nasvalo vaj naj musaj kaj e politzia te traden.

Ando juli kado bersh anklisto jekh nevo rapporto khatar o Rikspolisstyrelsen kon jekh tillsynsrapporto kaj si deneves phendino ke naj chansa e politziake te sumavel te si ke musaj lenge te traden ando jekh kasavendar incidento.

O Erik Nord phenel ke e politzia trubun te jutin kana si akarde kaj kasavendar jutipako incidentoria numa trubulas te avel len jekh chansa te len e desitsia te si ke trubul chachimasa o jutipe vaj naj aj te avel len jekh dialogo kon o myndighet kaj mangel o jutipe. Vo naj loshako kon o rapporto si avilo khatar o Rikspolisstyrelsen.

- Kado chi jal vastestar kon kaver ramomimata dine avri khatar o Rikspolisstyrelsen. Te si ke ame sas te acceptis o inspektionsrapporto bi te phenas kanchi sar si ramome attunchi ame sas te arisas ando situtsi kaj varikon kaver lel e desitsia te trubul o jutimos kon jekh politsiarno jutipe vaj naj aj vi sar. Aj karing kudo ame gindisaras te si kudo vorta vaj naj phenel o Erik Nord kaj si operativno cherutno kaj e politzia ando Västra Götaland.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".