Transportstyrelsen biknel informatcia

Themeske organizatci biknen informatcia

Themeske organizatci biknen informatcia
2:33 min

E gazheta Dagens Nyheter sikadas ande jekh artiklo ke e myndigheter e themeske organizatci biknen manushenge informatci thaj keren penge lashie love pe kodo. Transportstyrelsen kerel peske karring 30 miljonura kana von biknen manushengi informatcia khaj reklamove firmi. Data inspektionen phenel ke kado si chorres.

Kana djal pe pe lengi internetoski patrin po Transportstyrelsen birij pe te arakhel pe reklama khaj boldel pe khaj e reklamenge firmi.

Pasha kadi firma si vi maj kaver firmi so biknen informatcia pa e manush. Kodol si Bolagverket, Skatteverket thaj CSN.

Pala offentlighetsprincipen musaj e themesko organizatci te den avri informatcia so si phuterdi - offentlig.

Numa kodo si te avel jekh zhutipe, kado si jekh bikinipe khaj biknel pe avri informatcia.

Transportstyrelsen chi dikhen ke von variso chorres keren kana von biknen avri kado materialo phenel o Kjell-Åke Sjödin khaj kerel buci kusa registraciake pushimata po Transportstyrelsen.

Kjell-Åke Sjödin phenel vi kodo ke lenge si slobodo te biknen kadi informatcia khatar o regeriungo thaj anda kodo keren von kodo.

Te si kade ke o manush chi kamel e themeske organizatci te biknen leski informatcia musaj kodo manush te del pe opre khaj jekh registra so phandavel lesko anav ande sa e reklami.

Reaktci vazde pe krujal ke e kadal themeske organizatci biknen e manushenge informatci thaj ke e manush chi djanen kanchi pa kodo, numa o Kjell- Åke Sjödin phenel ke kodo naj chaches ke vov achiarel ke von den kodi informatcia intrego vrama, numa phenel vi kodo ke shaja te den maj but informatcia pa kado te si kade ke e manush chi djanenas dosta.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".