1 av 3
Bild: Matthew Mead/Scanpix
2 av 3
Frukost. Foto: Fredrik Sandberg/Scanpix
3 av 3
Foto: Caroline Lagergren / Sveriges Radio
Nationalno

Jileske problemura kana chi hal o manush detahara

Akarso si majfeder sar tena has de tehara
4:55 min

Kodol murce kaj chi hal le bajo te han habe de tehara vaj frukost, si le pe 27 procenti maj bari rizika te lel le ando ilo, vaj te meren ande hjileske vaj vunengo nasvalipe, sar kodol murce kaj han de tehara habe. Kade sikavel jek bari amerikanisko studia kaj zial de 16 bersh mashkar maj but sar 27 000 murce.

"Kana chi has habe de tehara, vazden pe pherdo rizikake faktorura, sar uchi chisnenia, fetma, thaj kolestorolo aj diabetes. Thaj kado birij o te kherel ke lel e manushes ando ilo maj angle ando trajo, phenel e doktorka Leah E. Cahill anda Harvard School of Public Health ando Boston.

O 24 bershengo Riccardo anda Stockholm, phenel ke vov pravje shoha chi hal habe de tehara.

Me maladzilem e 27 bershenge Janesa ande Ica Maxi ando Haninge. Thaj vov phirlas krujal te khinel diferetni shikumata, kaj me gindojas ke sas lesko frukost vaj habe de tehara.

[Duration:0:28]

Thaj o Jani pachal ke shaj avel chahipe kadi studia, thaj del pe gindo ke kam trobujas te hal de tehara.

Ferik ke kadi studia si kherdi mashkar 27 000 murce, no morem shaj avel kade ke naj sa kasavi uchi e rizika po nasvalipe mashkar le ziuvla. Vaj shaj avel kade ke ziuvla majfeder inkren e rutina te han habe de tehara?

E 19 bershengi Margareta anda Skogås phenel ke voj maj butivar hal jokor sar na.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".