Naj dosta djanglipe pa zakono

Naj dosta djanglipe
2:56 min

Ando Shvedo si 5 nationalne minoritetura: Rom, Zidevura, samer, Sverigefinnar thaj e tornedalingar. Sa e nationalne minoritetura den kritika pe e komuni thaj e landsting ke chi inkrel pe o them pala e chachimata so si e nationalne minoriteton.

Thaj akanak si o Länsstyrelsen te del edukatcia khaj sa e themeske kommuni thaj Landsting sar von si te inkren pe pala o zakono so si pe e nationalne minoritetura ando Shvedo.

Satu Lindgren phenel ke naj dosta djanglipe thaj informatcia ando Umeå thaj krujal ando them thaj kodo kerel ke chi birin e chavora te sitjion romanes sar dejaki chib.

O zakono pa e nationalne minoretetura thaj e nationalne minoritetne chibia avile ando bersh 2010 thaj vi te nakle 3 bersh chi den e kommuni thaj e landsting kodol chachimata khaj musaj te den ando Shvedo.

Jekh anda kadal chachimata si te avel e nationalne minoriteton samråd kusa e kommuna pe jekh kommunalno nevelo.

Kade naj akanak ando foro Helsingborg, phenel o rom o Jon Pettersson so si sherutno ande romarådet Helsingborg.

Vov phenel ke e kommuna chi vorbij lenca pa e kultura thaj pa romani chib.

Trin anda kadal 5 nationalne minoritetura - samer, tornedalingar thaj e sverigefinnar - inkren maj but zor ande kadal nationalne minoritetne zakoni, numa vi kote chi len von hasna khatar penge chachimata ke e kommuni chi den len kodo so len trobuj.

Akanak si o Länsstyrelsen thaj o Sametinget te dikhel sar te vazdel pe opre kado zakono te inkren e kommuni thaj e Landsting pengi responsebilita.

Ann-Marie Algemo kerel buci po länsstyrelsen ando Stockhol thaj voj pacal ke kado kerel pe krujal ando them ke naj dosta djanglipe ando nationalno minoritetno zakono thaj kodo kerel ke von chi len kodo zakono pe baro.

Thaj akanak avla jekh nevi vrama khaj dela pe nevi edukatcia khaj sa e kommuni thaj regioni.

Problemo si ke chi birij pe te shiol pe strafura vaj sanktci pe e diferentne kommuni thaj Landsting thaj kodo si ekcera problematicno ke naj dosta feri te del pe informatcia phenel e minoritetsrättighetsforskaren e Christina Johnsson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".